Ribadeo, 4 de xuño de 2022. O Concello de Ribadeo segue na loita contra os lumes forestais e ven de publicar un Bando lembrándolles aos propietarios dos terreos a necesidade de telos rozados. Refírese a aqueles que abranguen unha faixa de 50 metros ao redor de solo urbano, de núcleo rural e urbanizable e de vivendas illadas.
No Bando asinado polo alcalde, Fernando Suárez, lémbrase que “o Concello de Ribadeo conta coa ordenanza para a prevención de incendios forestais e a salvagarda das condicións de limpeza, ornato, salubridade e seguridade dos terreos pola que se regulan as plantacións arbóreas, as obrigas de xestión de biomasa e os usos do lume no solo urbano, de núcleo rural e urbanizable do Concello de Ribadeo (BOP Lugo 129 – 07/06/2018). En canto ao solo rústico, a Lei 3/2007, do 9 de abril, de prevención e defensa contra os incendios forestais de Galicia outorga aos concellos a competencia na protección das persoas e dos seus bens fronte aos incendios forestais, definindo as redes secundarias de faixas de xestión de biomasa, que abranguen unha faixa de 50 metros ao redor do solo urbano, de núcleo rural e urbanizable, así como das vivendas illadas, entre outras infraestruturas (artigos 20.4 e 21)”.
E indica que “no Concello de Ribadeo estas redes secundarias están definidas a través do Plan Municipal de Prevención e Defensa contra os Incendios Forestais do Concello de Ribadeo (BOP Lugo 137 –16/06/2020). Nestes espazos, segundo a referida lei, non poderán existir especies como o eucalipto, o pino, a acacia ou a mimosa, ademais de ter que ser rozados tódolos anos antes da finalización do mes de maio (artigos 21 e 22). O que se recorda para xeral coñecemento, advertindo sobre a necesidade de ter adaptadas estas faixas secundarias en todo momento á normativa en vigor”.
As persoas interesadas en obter información máis detallada ao respecto poden contactar coa Área de Medio Ambiente do Concello de Ribadeo (982 120 701 – sostibilidade@ribadeo.org).
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
