Con motivo do Día Internacional do Orgullo LGTB, que se celebra mundialmente o 28 de xuño, a bandeira multicolor lucirá dende este sábado no Pazo de San Marcos
Lugo, 23 de xuño de 2022. O Presidente da Deputación de Lugo, José Tomé Roca, convocou para este xoves unha Xunta de Voceiros e Voceiras co fin de propoñer o consenso entre os tres grupos políticos representados na Corporación provincial dunha Declaración Institucional pola defensa dos dereitos LGTBIQA+ que se enmarca no 30 aniversario do Europride, a gran festa de reivindicación europea a prol da igualdade sexual e de xénero.
Da xuntanza saíu un acordo unánime de PSdeG, BNG e PPdeG, que se aprobará no Pleno do vindeiro martes, para defender e amparar os dereitos deste colectivo ante o auxe dos partidos de extrema dereita cunha clara axenda homófoba, e para seguir avanzando nos principios de igualdade, non discriminación por motivos de orientación sexual, identidade de xénero e na protección das persoas vítimas de delitos.
Ademais, dende este sábado, e con motivo da celebración do Día Internacional do Orgullo LGTB que se celebra mundialmente o vindeiro 28 de xuño, a bandeira multicolor lucirá no Pazo de San Marcos.
DECLARACIÓN INSTITUCIONAL
Un ano máis, a Deputación de Lugo quere sumarse á celebración do 28 de xuño como o Día Internacional das persoas Lesbianas, Gays, Bisexuais, Transexuais, Transxénero, Intersexuais e Queer. Unha data para seguir traballando por acadar a plena igualdade de dereitos nunha sociedade que non discrimine a ninguén pola súa orientación sexual.
Este ano 2022 marca tamén o 30 aniversario do Europride, a gran festa de reivindicación europea a prol da igualdade sexual e de xénero. Non é unha casualidade que o Europride xurdise o mesmo ano, 1992, no que se ratificaba no tratado de Maastricht a creación da Unión Europea.
A Unión Europea nacía como un espazo de liberdade, de cooperación, de defensa dos valores democráticos no sentido máis amplo da palabra. E o traballo dos colectivos LGTBIQ+ viña poñer no primeiro plano da axenda política as súas reivindicacións, denunciando as situacións de violencia, exclusión ou perda de dereitos que moitas persoas, moitos cidadáns e cidadás europeas sufrían día a día por motivo da súa orientación sexual.
A Unión Europea non podería ser unha realidade plena se non garantía a súa carta de dereitos e liberdades ó conxunto de todos os seus habitantes, sen facer distincións por motivo de xénero ou orientación sexual.
Nestes 30 anos, as sociedades europeas teñen avanzado moito no recoñecemento de dereitos do colectivo LGTBIQ+. Pero o auxe dos partidos de extrema dereita, cunha clara axenda homófoba e de recorte de dereitos, nos lembra a necesidade de seguir traballando para non perder ningún dos dereitos conseguidos. Agora mesmo, en Europa do Leste, asistimos a un conflito bélico no que participa un país no que non está recoñecida a homosexualidade, isto é, no que oficialmente, as persoas LGTBIQ+ non existen.
Non podemos encamiñar o futuro do século XXI normalizando ideoloxías de exclusión e discriminación propias de etapas xa superadas pola historia. Ideoloxías que se atopan detrás do incremento dos delitos de odio ou dos casos de acoso nas redes sociais que se veñen detectando nos últimos anos.
A pesar dos avances alcanzados en materia de dereitos LGTBIQ+, quedan moitas lagoas pendentes de ser abordadas polo poder lexislativo, especialmente no relativo á loita contra a discriminación por motivos de orientación sexual e identidade de xénero e ao recoñecemento e protección das persoas LGTBIQ+ vítimas de delitos.
Entendemos que neste contexto, o papel das administracións locais, pola súa especial proximidade ós cidadáns, ten que ser decisiva á hora de amparar e defender os dereitos humanos e enmarcando calquera actuación nos principios de igualdade e non discriminación. Concellos e Deputacións Provinciais somos garantes da efectividade da loita pola igualdade e na defensa da convivencia cidadá e axentes esenciais insubstituíbles da protección dos dereitos e liberdades de toda a cidadanía e defensores da non discriminación, con independencia da raza, sexo, relixión, opinión ou calquera outra condición ou circunstancia persoal ou social.
Por iso condenamos enerxicamente calquera discriminación contra as persoas LGTBIQ+ e os seus dereitos fundamentais, incluída a incitación ao odio e lembramos a importancia de tomar medidas concretas para poñer fin á discriminación contra as persoas LGTBIQ+.
Manifestamos a nosa especial preocupación ante o repunte do discurso do odio e negámonos a aceptar como normal posturas políticas que pretenden construír a seu proxecto a costa de negarlle dereitos a unha parte da sociedade por motivo da súa orientación sexual. A loita contra o racismo, a xenofobia, a homofobia, a transfobia e outras formas de intolerancia é unha loita para fortalecernos como sociedade.
Neste ano no que se cumpren tres décadas de reivindicacións LGTBIQ+ europeas, queremos apoiar dun xeito expreso todas as accións locais, rexionais, nacionais e europeas que teñan por finalidade a promoción da igualdade, especialmente as dirixidas a loitar contra os estereotipos e a mellorar a aceptación social das persoas LGTBIQ+. E queremos recoñecer o traballo das organizacións da sociedade civil que traballan polos dereitos das persoas LGTBIQ+ e o valor da colaboración coas Autoridades Locais para poñer fin a calquera discriminación existente e seguir impulsado unhas políticas públicas igualitarias e inclusivas.
A Unión Europea ten a súa historia vencellada dun xeito estreito ó desenvolvemento dos dereitos do colectivo LGTBIQ+. E para seguir avanzando na Europa que queremos, cumpre que este vínculo siga manténdose no futuro, ata acadar a plena igualdade real de todas e todos os cidadáns da Unión.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
