“Por que empresas públicas como Enel ou Estatktaft poden facer parques eólicos en Galiza e Galiza non pode ter unha empresa pública que promova proxectos enerxéticos renovables?”, cuestiona Luís Bará no Parlamento
Santiago de Compostela, 28 xuño 2022. O BNG defendeu no Parlamento galego unha moción con propostas concretas para mudar o actual modelo eólico depredador do PP por un novo modelo sustentable, de participación pública e que xere beneficios aos galegos e galegas. Así, o portavoz nacionalista de Medio Ambiente, Luís Bará, propuxo a creación dunha empresa pública galega de enerxía co obxectivo de xestionar a produción sustentable e xusta de enerxía a partir de fontes renovables.
“Por que unha empresa pública como a italiana Enel pode facer parques eólicos en Galiza ou como a norueguesa Estatktaft pode facer parques eólicos en Galiza e nós non podemos ter unha empresa pública que promova proxectos enerxéticos renovables en Galiza? Explíquenme por que”, cuestionou Bará á bancada do PP, para engadir a continuación a necesidade de implantar un modelo “conservacionista do medio, da biodiversidade, que é o instrumento que temos contra o cambio climático”.
Neste sentido, defendeu a elaboración dun novo plan sectorial para o desenvolvemento ordenado e xusto do sector, revisando con criterios restritivos a zonificación actual -garantindo a conservación do patrimonio natural e cultural- e asegurando a compatibilidade con actividades e usos propios do rural e o retorno económico a Galiza dos beneficios xerados polos parques eólicos.
Logo de reclamar tamén a ampliación da Rede Natura para asegurar a blindaxe de zonas de alto valor ambiental, o deputado nacionalista avogou de igual xeito pola socialización e a democratización do acceso á enerxía e, nesta liña, propuxo, tal e como xa acontece en moitos países europeos, o desenvolvemento dun Plan de fomento da participación das entidades locais, PEMES e cooperativas en proxectos de produción e consumo. “No ano 2020 había xa en Alemaña 1.750 comunidades enerxéticas; en Dinamarca 700, nos Países Baixos, 400 e en Galiza, a día de hoxe e aínda en proceso de constitución, tres”, exemplificou, para engadir a continuación que a razón radica en que o PP “non cre nese modelo”.
“Pero nós si, por iso propoñemos nesta iniciativa a creación de 40 comunidades enerxéticas nas comarcas do País para que sirvan de espello cara á expansión desta produción propia de enerxía para o autoconsumo”, explicou, logo de defender que o novo modelo sexa xusto tamén para o rural “porque o actual “é contra o rural, co que definiu como unha “invasión de terras produtivas e residenciais na que supón unha xigantesca agresión ao modo e á calidade de vida no rural”.
Bará concluíu reafirmando o compromiso do BNG cun modelo de desenvolvemento eólico xusto, sustentable, descentralizado, de participación pública e que xere beneficios para o País, para as PEMES, para os fogares e para a maioría social. A iniciativa nacionalista non prosperou polo veto do PP.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
