O Concello de Alfoz abre a convocatoria de aluguer social para a vivenda amoblada da Pinguela, antiga vivenda do mestre da escola
Alfoz, 19 de agosto de 2024. O Concello de Alfoz informa da apertura da convocatoria para o aluguer social da vivenda amoblada A Pinguela, destinada a proporcionar unha solución habitacional a unidades de convivencia con escasos recursos económicos. A vivenda, recentemente rehabilitada e completamente equipada, está dispoñible para ser ocupada como residencia habitual e permanente.
As obras de rehabilitación da vivenda A Pinguela finalizaron en outubro de 2021, cunha achega financeira do Instituto Galego de Vivenda e Solo (IGVS). Posteriormente, en xullo de 2023, o Concello asinou un convenio coa Deputación Provincial de Lugo, que permitiu financiar o amoblamento e a instalación de electrodomésticos necesarios para facer da vivenda un fogar completamente equipado e funcional.
Este programa de aluguer social está dirixido a unidades de convivencia cuxos ingresos sexan inferiores a 2,5 veces o IPREM (Indicador Público de Renda de Efectos Múltiples), co fin de ofrecer un alivio ás familias que afrontan dificultades económicas e precisan dun lugar digno onde vivir.
As persoas interesadas poderán presentar as súas solicitudes no Concello de Alfoz ata o 13 de setembro, onde se lles proporcionará toda a información necesaria sobre os requisitos e o proceso de selección.
Con esta iniciativa, o Concello de Alfoz reitera o seu compromiso coa promoción do benestar social e a mellora da calidade de vida dos seus veciños e veciñas máis vulnerables.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
