Xove, 1 de decembro, 2025. O Concello de Xove informa do gran éxito das xornadas arqueolóxicas celebradas esta fin de semana, centradas na presentación dos resultados da escavación realizada en setembro na área de San Tirso de Portocelo.
Os traballos, cofinanciados pola Consellería de Cultura, Lingua e Xuventude, consistiron na escavación da zona do castro e na conservación para a súa futura musealización da segunda sondaxe descuberta en 2020. Este proxecto converte San Tirso no segundo castro costeiro musealizado da provincia de Lugo.
Venres 28 de novembro: exposición no Centro Cívico
• Apertura a cargo do alcalde de Xove, José Demetrio Salgueiro Rapa.
• Intervención da socióloga municipal, Lucía Sánchez Meitín, quen explicou a estratexia de divulgación e o traballo pedagóxico desenvolvido desde 2020 en colaboración co CEIP Pedro Caselles Rollán e o IES Illa de Sarón.
• Presentación principal do arqueólogo director da escavación, David Fernández Abella, que compartiu os resultados da campaña 2025.
Entre os achados máis destacados:
• Ocupación antiga do castro no século I d.C., abandono durante dous séculos e reocupación a finais do III.
• Segunda ocupación prolongada ata mediados do V, nun período turbulento da historia de Gallaecia e do Imperio romano.
• Enigmas por resolver: gran número de muíños de man nun espazo reducido e a aparición dunha tumba dentro dun recinto habitacional.
A xornada concluíu cun animado debate e intercambio de preguntas entre público e especialistas.
Sábado 29 de novembro: visita guiada
O arqueólogo director acompañou aos asistentes nun percorrido polo castro de San Tirso, explicando in situ os descubrimentos e hipóteses expostas o día anterior.
As xornadas arqueolóxicas de Xove consolidan San Tirso de Portocelo como un referente patrimonial e científico na provincia de Lugo, reforzando o vínculo entre investigación, divulgación e participación cidadá.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
