O PP de Mondoñedo considera que hai indicios para afirmar que Orlando González prorrogou un contrato en fraude de lei

O PP de Mondoñedo, porá en coñecemento do Consello de Contas o que parece ser unha actuación en fraude de lei por parte do Sr. alcalde e do equipo de goberno dado que se prorroga o contrato coa persoa que está a facer a contabilidade no concello, sen ser posible tal prórroga, evitando o proceso de selección que en réxime de igualdade de oportunidades que lle permite a todo o mundo optar a este contrato de traballo.

Di o PP que no seu momento xustificou esta prórroga indicando que era a persoa máis indicada porque estaba “familiarizada” coa contabilidade local, o que o PP respondeu que os mindonienses con capacidades para este posto tamén estarían encantados de ter a posibilidade de familiarizarse.

Os populares aseguran que as bases do proceso de selección no seu momento, establecían, con total claridade que a duración do contrato sería ata o 31 de decembro do 2012, pero acadada esa data, por RESOLUCIÓN DE ALCALDÍA prorrogase ese contrato.

“Non existindo nin consignación orzamentaria para este posto, nin garantida a financiación externa, porque compre recordar que é a Xunta de goberno da Deputación Provincial de Lugo, de data 5 de abril de 2013, a que aproba este convenio, demostra un total oscurantismo na tramitación e vulneración legal na prórroga.

Os populares aseguran que a actualización da contabilidade non está exenta de polémica dende a entrada no goberno do Sr. Orlando e o seu socio, que levan dilapidado moito diñeiro publico e ainda non están as contas actualizadas.

“ Inicialmente cunha empresa de Ourense que inverteron máis de 42000 euros, a continuación outra empresa, que se non fallan as informacións, é da Fonsagrada e que facturaba mensualmente cantidades económicas ao Concello de Mondoñedo, tamén por traballos de actualización contable; no ano 2012 a Deputación invertíu neste fin 31000 euros e agora outro convenio por igual importe.

Conclúe o PP manifestando que se empregou moito diñeiro público nunha tarefa que na totalidade dos concellos asumen cos recursos humanos propios e nun momento de apuro, piden auxilio a Deputación (tarefa que está dentro das súas competencias, auxilio económico, técnico e xurídico aos concellos, fundamentalmente os de menos de 20000 habitantes) que envía persoal para colaborar nas tarefas.