Santiago, 3 de setembro de 2015.- O voceiro de Montes do Grupo Popular, Jose Manuel Balseiro Orol, deu conta da presentación dunha proposición non de lei rexistrada no Parlamento galego coa que os populares piden á Xunta de Galicia que impulse a certificación forestal “como medida positiva e de gran utilidade” para acadar un incremento no prezo de venda da madeira.
A proposición popular reclama do Goberno galego un apoio explícito a todas as iniciativas de certificación forestal ás que poidan acollerse os propietarios dos nosos montes e formula distintos instrumentos para conseguilo.
“Xa ben sexa a través do asesoramento directo aos propietarios (especialmente aos máis pequenos) ou mediante a concesión de distintas axudas, estaríamos apostando por unha fórmula que permitiría gañar valor á nosa madeira e contribuíndo a un modelo forestal máis sostible”- explicou Balseiro.
Ao mesmo tempo a iniciativa reclama impulsar a obtención de certificacións forestais -acreditadas internacionalmente- para os montes de titularidade pública dependentes das administracións locais, mediante a posta en marcha de liñas específicas de axuda e tamén, para os montes de titularidade pública autonómica, neste caso, de oficio pola propia Xunta.
MÚLTIPLES VANTAXES
Para os populares o feito de dispoñer duns montes certificados é, sen ningún tipo de dúbida, un importante paso cara adiante. Máis en concreto, constitúe toda unha ferramenta de futuro capaz de aumentar a competitividade da madeira nos mercados internacionais e pode servir de pulo para superar a crise da que non é allea este sector.
Balseiro aclara que os selos que certifican a calidade “non só identifican á madeira senón tamén a todos os seus derivados”, isto é, a produtos tales como pasta, papel, mobles, embalaxes, e permite que estes poidan chegar a vendarse cun prezo ata un 20% superior aos que rexistran aqueles produtos que non teñen este certificado.
Desde o Partido Popular están dispostos a impulsar este tipo de mecanismos para que a certificación forestal chegue a todos os ámbitos, unha tarefa especialmente complexa tendo en conta as características do monte galego: con multitude de pequenos propietarios. Segundo os datos oficiais uns 670.000 galegos teñen parcelas forestais e o 97% da superficie arborada nesta comunidade é propiedade privada.
PIONEIROS EN CERTIFICACIÓN
Con todo Balseiro lembra que Galicia foi pioneira, entre as comunidades autónomas de España, na implantación de sistemas de certificación forestal tales como o selo FSC (siglas en inglés do Consello de Administración Forestal).
O certificado FSC é o resultado dun proceso de avaliación ao que se somete de forma voluntaria un monte, realizado por unha terceira parte independente (entidade certificadora), que garante as boas prácticas na xestión e recoñece e outorga relevancia no mercado
En termos relativos, Galicia é líder en España neste ámbito, pero aínda así só representa un 8% do seu chan forestal total, fronte aos datos que se rexistran noutros países cos que competimos no mercado internacional, como é o caso de Finlandia, que xa dispón dun 70% de árbores certificadas.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
Fixoo no marco do Campionato Galego de Coctelería celebrado no Hostal dos Reis Católicos.
