Lugo, 03 de setembro de 2015.- A presidenta da Deputación de Lugo, Elena Candia, asinou este xoves un convenio de colaboración coa Federación Provincial de Confrarías da Provincia para formalizar un novo compromiso do Goberno lucense co sector pesqueiro.
O acto oficial de sinatura celebrouse no Museo do Mar de San Cibrao e nel, ademais de Candia e do presidente da Federación, José Basilio Otero, tamén participaron o deputado provincial responsable da área de Pesca, Demetrio Salgueiro; os patróns maiores dos pósitos (Burela, Celeiro, Foz, Ribadeo, San Cibrao e O Vicedo) así como as mariscadoras activas afiliadas ás confrarías.
A subvención excepcional concedida pola Deputación de Lugo á Federación Provincial de Confrarías, por un importe de 19.000 euros, diríxese a sufragar custos, por un lado, de divulgación, promoción e publicidade das actuacións que realiza a Federación e, por outro lado, de dotación de medios materiais (traxes de neopreno) ás mariscadoras activas afiliadas ás confrarías.
Dun xeito máis concreto, durante o acto de firma do convenio explicouse que a contía dirixida a atender a primeira actividade (divulgación, promoción e publicidade das actuacións que realiza a Federación) suma o importe de 11.400 euros; mentres que a contía para sufragar os traxes de neopreno é de 7.600 euros.
A presidenta da Deputación explicou que con esta liña de axudas damos resposta a unha petición formulada por representantes do sector nunha das últimas reunións que o Goberno provincial mantivo cos traballadores vinculados ao Mar. “Actuamos de xeito inmediato, a maiores de axilizar a tramitación das axudas que estaban pendentes e que ían destinadas, por importe de 95.285,07 euros, a propietarios de embarcacións de pesca de baixura”, lembrou Candia, quen engadiu que “tamén puxemos fin a unha inxustiza, xa que as mariscadoras non podían acceder ás liñas de axuda xa aprobadas”.
Por último, Candia tamén trouxo a colación que dende a oposición “defendemos iniciativas a través das que solicitabamos melloras na colaboración e nas relacións cos traballadores deste sector e, agora, dende o Goberno sacamos adiante os compromisos que lles trasladamos en resposta ás peticións dos profesionais do mar”.
A primeira sesión, de 11:00 a 12:30 h, contará cun autor asturiano destacado polo seu traballo arredor do mundo rural e da cultura campesiña. A actividade é aberta, participativa e gratuíta ata completar aforo.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
Sinopse: Cando chega a noite e nós durmimos, a Lúa asoma polas fiestras e goza dos nosos soños. Así descobre historias máxicas, tolas e divertidas. Os seus soños favoritos son os de Calcetín, un personaxe amante da lectura e cunha imaxinación desbordante. Viaxa entre estrelas, pilota un zapato que percorre os mares ou chega ao mundo do revés. Unha proposta chea de fantasía e creatividade para fomentar o gusto pola lectura entre os máis pequenos.
Na presentación participaron o delegado territorial da Xunta, Javier Arias; o Deputado de Cooperación e Asistencia aos Concellos, Xosé María Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
