Burela, 20 de marzo de 2018.- “O primeiro tenente de alcalde, Ramiro Fernández, xa está instalado na realidade virtual e xa está mentindo, coma o seu xefe”, afirma o Grupo Municipal Popular (GMP) de Burela. Os populares fan esta valoración á vista da resposta “airada” dada sobre a absoluta falla de iniciativa e rapidez para solucionar os problemas do día a día da vida municipal. Por este motivo, en alusión á resposta, os populares indican “que cabe preguntarse se vive realmente en Burela, ou está de paso, ou é que non se entera do que pasa”, afirman.
E é que, en primeiro lugar, as fochancas da Estación levan meses, e semella que non tiveron a molestia de tapalas temporalmente cunhas cantas paladas de cemento, á espera do investimento que teñen previsto facer. A este respecto, critican que Fernández “se poña todo ufano co que van facer, cando xa tiña que estar feito, que os usuarios non comenzaron a protestar antonte”, indican.
Os populares afirman “que o Sr. Fernández non ten clara a noción do tempo, anda algo desnortado. Nós denunciamos o asunto no pleno do un febreiro e as fotos sacáronse o martes da semana pasada, xusto o día antes de emitir a nosa nota de prensa. Tivo tempo sobrado para sacalas”, sinalan.
Para o GMP, “o máis gordo das manifestacións do tenente de alcalde refírense ao alumeado público na Avda. do Perdouro”. Consideran que “está mentindo. El asegura que xa levan arregladas dous meses. O que acontece é que leva dous meses sen pasar por alí. E nós dicimos que minte descaradamente, por dúas razóns: a primeira, é que nós denunciamos os fallos deste alumeado no pleno do un de febreiro, hai mes e medio, e o alcalde contestounos que non sabía nada do asunto, co que é materialmente imposible que leve dous meses arranxado. A segunda, Sr. Fernández Rey, retrátao a Vde., que non se entera de nada: o venres pasado, día 16, estaban os elecricistas do Concello pola zona arranxando farolas; pero onte, luns, á noite, das 17 farolas que hai na beirarrúa dereita dende o límite con Foz ata a rotonda do acceso ao porto só funcionaban oito, e as outras nove están apagadas. Sr. Fermández, cóllese antes a un mentiroso ca un coxo”, aseguran.
“Sóbralle soberbia”
Desde o GMP afirman que “ao Sr. Fernández Rey sóbralle soberbia para alardear do que non fai, e fáltalle humildade para recoñecer os erros que poida cometer. Ademais, vemos que este non encaixa nada ben as críticas, pero vaille sendo hora de poñerse a traballar, ou cando menos de non mentirlle aos cidadáns”.
“Máis ocupado en ser candidato”
E é que, segundo apuntan dende o PP, “Burela non quere gobernantes que mintan”, ao tempo que denuncian que o Sr. Fernández Rey “está máis ocupado na tarefa de ser o candidato do PSOE nas próximas municipais que en resolver os problemas dos cidadáns de Burela e en cumprir os seus propios compromisos, xa que, de momento, vaille prorrogar por un ano o contrato á actual empresa concesionaria do servicio de recollida de lixo e limpeza viaria. El, que dende o minuto un dixo que tan rápido como fose posible estes servicios serían municipalizados, Sr. Fernández, onde ten Vde. a palabra?”, conclúen.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
