Pedrafita do Cebreiro, 26 de marzo de 2018.- A directora de Turismo de Galicia, Nava Castro, acompañada polo delegado territorial da Xunta en Lugo, José Manuel Balseiro, e do xerente do Xacobeo, Rafael Sánchez, asistiron hoxe en Pedrafita do Cebreiro á presentación do novo dispositivo especial de seguridade que porá en marcha o Goberno de España para reforzar a vixilancia do Camiño de Santiago durante esta Semana Santa.
Como explicou o delegado do Goberno en Galicia, Santiago Villanueva, o dispositivo estará composto por motoristas da agrupación da Garda Civil de Tráfico e do Seprona, así como por cabalos do Escuadrón de Cabalería e axentes da Garda Civil de Seguridade Cidadá. A través do Plan de Seguridade Xacobea 2018 reforzarase a presenza das Forzas e Corpos de Seguridade do Estado intensificando os servizos de seguridade e atención cidadá en todos os itinerarios que compoñen o Camiño de Santiago en beneficio tanto das persoas que as recorren como dos bens do Patrimonio Histórico e Cultural.
Nos labores de seguridade participa activamente a Policía Autonómica que desprega patrullas nos camiños de Santiago na longo de todo ano, con especial atención ao Camiño Francés e que, se reforza considerablemente en anos xacobeos, nos que que incrementa a presenza de visitantes. O seu labor de vixilancia fará especial fincapé, en colaboración con Patrimonio, no control de negocios ilegais.
Colaboración entre administracións
Durante o acto, a directora de Turismo de Galicia, Nava Castro, puxo en valor a importancia da colaboración entre administracións para sumar medios no obxectivo conxunto de garantir a seguridade dos peregrinos, especialmente en puntos máis vulnerables. Como recordou, desde a Xunta de Galicia trabállase por esta seguridade de maneira permanente, con accións paralelas en distintos ámbitos.
Así se está a facer a través do Plan Director do Camiño de Santiago, o documento co que desde 2015 o Goberno autonómico resposta ás necesidades actuais da ruta e dos peregrinos, que cada ano son máis e chegan dun maior número de países. A ruta xacobea superou en 2017 por primeira vez a barreira dos 300.000 peregrinos e está demostrando estar máis diversificado que nunca nos seus nove itinerarios por terra e tamén máis internacionalizado, chegando a acoller peregrinos de máis de 179 nacionalidades. No que vai de ano, a cifra global supera os 8.900 peregrinos, chegados de ata 89 países.
Nava Castro tamén puxo en valor a sensibilidade do Goberno galego nesta materia, apoiando iniciativas como a campaña Peregrina seguro que realiza conxuntamente a Asociación Galega de Amigos do Camiño de Santiago e a Asociación Stop Accidentes coa colaboración da S.A. de Xestión do Plan Xacobeo.
O Plan director do Camiño de Santiago inclúe diversas actuacións de sinalización e acondicionamento dos diferentes trazados e contén numerosas medidas relacionadas coa seguridade viaria. Debido á importancia que estes aspectos teñen na xestión do Camiño de Santiago, no ámbito da Comisión da Seguridade Viaria dos Camiños na que participa a Administración autonómica trasladouse a conveniencia de poder incluír ao Ministerio de Interior no Consejo Jacobeo.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
Sinopse: Cando chega a noite e nós durmimos, a Lúa asoma polas fiestras e goza dos nosos soños. Así descobre historias máxicas, tolas e divertidas. Os seus soños favoritos son os de Calcetín, un personaxe amante da lectura e cunha imaxinación desbordante. Viaxa entre estrelas, pilota un zapato que percorre os mares ou chega ao mundo do revés. Unha proposta chea de fantasía e creatividade para fomentar o gusto pola lectura entre os máis pequenos.
Na presentación participaron o delegado territorial da Xunta, Javier Arias; o Deputado de Cooperación e Asistencia aos Concellos, Xosé María Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
