Nota de Prensa
Barreiro: “Ata maio hai que ir porta por porta e desenmascarar ós socialistas, explicar que prometen moito pero que non cumpren nada”
O presidente dos populares lucenses asegurou hoxe durante a presentación dos cabezas de lista do seu partido na zona de Viveiro que “hai que advertir a todos os veciños que os socialistas, gobernen onde gobernen, a súa política é sempre a mesma: despilfarrar, e o que veña detrás que o arregle se pode”
Viveiro, a 27 de novembro de 2010.- O líder dos populares lucenses José Manuel Barreiro fixo hoxe público, durante un encontro desenvolvido en Viveiro con afiliados e simpatizantes e no que participou, entre outros cargos orgánicos do partido, o presidente do PPdeG Alberto Núñez Feijoo, a proposta da dirección provincial sobre os cabeza de lista ás vindeiras eleccións municipais nos concellos mariñáns de Viveiro, Burela, Cervo, Xove, O Valadouro, Ourol e Alfoz.
Barreiro exhortou ós cabezas de lista e a todos os afiliados a converterse, “de eiquí a maio”, en voceiros do proxecto político do Partido Popular. “Hai que ir porta por porta explicando claramente cal é a xestión que está a desenvolver o Goberno central e o da Xunta de Galicia. É resúmovola eu: Zapatero promete e non cumple, pero segue gastando e endebedándonos máis aló do imaxinable. É dicir, non arregla a situación límite á que levou o país e, para colmo, hipoteca o futuro. Feijoo, pola contra, cumpre o que promete e gasta o que ten con criterio e con responsabilidade. Esa é a realidade, e esta situación é a que tedes que transmitir a todos e cada un dos veciños e veciñas desta comarca”.
Hai que “desenmascarar ós socialistas” recalcou Barreiro. “Dá igual que estén nos concellos, na Deputación, na Xunta ou no Goberno central, a súa política é sempre a mesma: despilfarrar e o que veña detrás que o arregle se pode”.
Para o presidente dos populares lucenses nesta zona da Mariña hai “exemplos claros da nefasta xestión” realizada polos socialistas, “gobernen sós, acompañados do BNG ou de quen sexa”. Así, referiuse explícitamente a Viveiro, “onde”, segúndo dixo, “nada importante se fixo dende que o PP saíu da Alcaldía e hai que ter moi presente que, por moito que digan, foi precisamente coa chegada do PP á Xunta cando por fin se licitou e adxudicou o parque de bombeiros; é cun goberno do PP cando o helicóptero do gardacostas está as 24 horas operativo; é cun goberno do PP cando se vai a acomenter un investimento millonario no porto ou na mellora do emisario e é incluso cun goberno do PP cando se defenden os intereses dos mariñeiros desta zona impulsando a identificación do peixe para que nos puntos de venda se saiba claramente de ónde procede”.
Barreiro tamén aludiu ás obras do Corredor da Costa como mostra “flagrante de incumprimento”: “aí está o tramo autonómico, coas máquinas traballando e cunha partida orzamentaria perfectamente definida para o vindeiro ano; no tramo estatal aínda non se moveu unha pedra e tampouco hai previsión de gasto para poder facelo nun futuro próximo”.
“Os socialistas non só non fan nada senón que, cando outros queren facer o que eles non fixeron, poñen todos os atrancos posibles”, sentenciou.
Viveiro
César Aja Mariño
Naceu en Viveiro en 1951. Está casado e ten tres fillos.
É licenciado en Bioloxía. Foi alcalde de Viveiro entre 1983 e 2003 e preside o comité local do PP.
Burela
José María González Barcia
Naceu en Burela o 7 de outubro de 1956. Está casado e ten un fillo.
É mestre en excedencia.
Entrou na corporación burelesa en 1991, e entre 2005 e 2007 fíxose cargo da Alcaldía. Preside o comité local do PP dende 2005. Xa encabezou a candidatura popular nas pasadas eleccións municipais.
Cervo
Alfonso Villares Bermúdez
Naceu o 2 de maio de 1970. Está casado e ten un fillo. É veterinario.
Xa encabezou a lista do PP en 2007, momento no que accedeu á Alcaldía, aínda que xa formaba parte da corporación dende 1995, ocupando no 99 o posto de segundo tenente de alcalde.
Xove
Demetrio Salgueiro Rapa
Naceu o 2 de xullo de 1971. Está casado.
É licenciado en Económicas e funcionario municipal en excedencia.
Preside o comité local do Partido Popular dende 2007, ano no que tamén accedeu á alcaldía.
O Valadouro
José Manuel Lamela Piñeiro
Naceu o 5 de outubro de 1953 e Santa Cruz, Ferreira do Valadouro. É maestro industrial. Está casado e ten dous fillos.
É concelleiro en O Valadouro dende 1999.
Ourol
Marcial Sanjurjo Fernández
Naceu en Chantada o 30 de maio de 1956. Está casado e ten dous fillos. É médico de familia.
Iniciou a súa andaina política como concelleiro de Sanidade en 1995, na seguinte lexislatura foi tenente de alcalde e en 2007 accedeu á Alcaldía.
Alfoz
Emilio Lousas Muiña
Naceu en San Martin de Mondoñedo (Foz) o 1 de xaneiro de 1950. Está casado e ten dous fillos. Fixo estudios de Dereito e é funcionario da administración local en excedencia.
Accedeu á Alcaldía en 2007.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
