O “CAMIÑO NATURAL DA COSTA” RECUPERARÁ SENDAS MARÍTIMAS E ABRIRÁ NOVAS OPORTUNIDADES PARA O TURISMO NA MARIÑA
? A delegada territorial, Raquel Arias, participou hoxe nunha reunión co alcalde de Foz para abordar o deseño de posibles trazados para a senda ao paso polo municipio focense
? Na realización do proxecto aproveitaranse camiños xa feitos e abriranse tramos peonís que neste momento están en desuso pola maleza para a revalorización dos espazos naturais
Foz, 22 de maio de 2012.- A delegada territorial da Xunta, Raquel Arias, anunciou hoxe que a Xunta de Galicia, a través da Consellería de Medio Ambiente, Territorio e Infraestruturas (MATI) está a desenvolver o proxecto “para unir mediante unha ruta costeira toda a costa da Mariña”.
A representante do Executivo galego na provincia de Lugo fixo esta comunicación, precisamente, logo dunha reunión mantida co alcalde de Foz, Javier Jorge Castiñeiras, para analizar polo miúdo “as distintas opcións existentes para este trazado, o Camiño Natural da Costa, ” ao paso pola fronte costeira deste municipio. Arias apuntou que estes traballos enmárcanse nun convenio en marcha dende hai anos entre a Xunta e o Executivo central.
Logo de ter en conta o crecente interese polas rutas de sendeirismo rural, o contacto coa natureza e o exercicio ao aire libre, “os fins principais do antedito proxecto son a conservación dos espazos naturais e a súa posta en valor a través da recuperación das infraestruturas caídas en desuso”, segundo indicou a delegada.
Arias explicou que a redacción e posterior execución deste proxecto reporta de xeito directo un dobre beneficio. Por un lado, a creación de empregos directos para a realización da actuación e, por outro, o impulso de novas alternativas para o sector turístico da Mariña.
A reunión, na que tamén participaron técnicos da Dirección Xeral de Conservación da Natureza, dependente da Consellería de MATI, forma parte “das xuntanzas que se están a desenvolver cos alcaldes dos distintos concellos para a delimitación das posibles opcións do trazado”, segundo expuxo Arias. En total, o traxecto do Camiño Natural da Costa estímase que pode constar de arredor de 144 quilómetros dende a desembocadura do Eo ata o estuario do Sor na ría vicedense.
Este proxecto, que está xa en fase de redacción por parte de Conservación da Natureza, “incrementará a rede de itinerarios de interese natural existentes na comunidade”, subliñou a delegada territorial. A ruta parte da recuperación de camiños de valor natural -outrora empregados por mariñeiros e pescadores da zona, nalgún dos casos- para facilitar a súa unión dende Ribadeo ata O Vicedo. Arias apuntou que esta iniciativa promocionará a comarca “cunha proposta saudable e que fará máis doado o acceso e o tránsito dos visitantes por lugares dunha beleza extraordinaria, revalorizando a zona de xeito global”.
As reunións que están a manter técnicos do departamento de MATI cos alcaldes da costa de Lugo estanse a facer co fin de depurar as mellores opcións para o camiño en cada municipio. “Deste xeito, segundo as previsións da consellería, a redacción do proxecto estímase que podería estar rematado este mesmo verán”, concluíu Arias.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
