O CONCELLO ADHERIRASE Á REDE DE DINAMIZACIÓN LINGÜÍSTICA DA XUNTA DE GALICIA, QUE PRETENDE CONGREGAR ÁS INSTITUCIÓNS CON COMPETENCIA NA PROMOCIÓN DO USO DO GALEGO NO ÁMBITO LOCAL.
Burela, 16 de maio de 2012. O Concello de Burela adherirase á Rede de Dinamización Lingüística (RDL) da Xunta de Galicia. Dita rede pretende congregar ás institucións con competencia na promoción do uso do galego no ámbito local.
Desde a Concellería de Educación, Mónica Pedre, lembra que “o noso Concello leva moitos anos empregando o galego en todas as comunicacións oficiais, nas ordes do día dos plenos, nos ditames das comisións informativas, nas actas, notificacións, recursos… Ademais o denominado Modelo Burela está a ser un exemplo na nosa comunidade autónoma, pero todo o que a maiores poidamos facer para apoiar o noso idioma benvido será”.
A Secretaría Xeral de Política Lingüística pretende con esta Rede apoiar e colaborar coas entidades locais de Galicia para acadar unha mellora nos servizos que prestan, así como potenciar o uso do galego por parte destas entidades e nas súas relacións cos administrados. Pedre subliña que “os veciños e as veciñas de Burela son atendidos habitualmente en galego nas nosas dependencias municipais e así seguirá a ser, pero hai que lembrar que en Burela conviven moitas nacionalidades e que si algunha desas persoas non entende o noso idioma será igualmente atendida en castelán. O galego é un idioma fácil de entender e moitos dos inmigrantes que residen aquí xa o entenden perfectamente”.
Desde a Concellería de Educación e Cultura sinalan que “o Concello cumpre coa lei de normalización lingüística na súa actividade escrita e oral”.
O Concello váise adherir en breve a esta Rede de Normalización Lingüística. Para facelo ten que enviar á Xunta o Decreto da Alcaldía no que se establece o acordo de adhesión e comunicar a designación das persoas que actuarán como interlocutoras entre o propio Concello e a Secretaría Xeral de Política Lingüística desde o Consello de Membros e desde a Área Técnica. Os representantes políticos do Concello serán o alcalde de Burela, José María González Barcia, e a concelleira de Educación e Cultura, Mónica Pedre e os representantes técnicos serán Noelia Legaspi e Yolanda Otero. O equipo de goberno informará deste acordo á Consellería de Educación e Ordenación Unviersitaria e áo pleno da Corporación Municipal na vindeira sesión ordinaria que se celebre.
O Concello de Burela quixo adherirse á Rede de Normalización Lingüística coincidindo coa chegada do Día das Letras Galegas e render así homenaxe a esta celebración e ao galego.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
