A Fundación TIC colabora coa Asociación para a Recuperación da Memoria Histórica gravando a homenaxe ás vítimas do Acebo
– Os actos lembran ós trece integrantes do batallón Galicia liderado polo comandante Moreno, fusilados hai 75 anos, e neles participan un centenar de persoas chegadas de toda Galicia, Asturias, Madrid, EE.UU. e Xapón
– Un equipo de profesionais e bolseiros da Escola de Imaxe e Son elaborarán material audiovisual durante a celebración da homenaxe co obxectivo de difundir o labor que a Asociación está a levar a cabo
A Fundación TIC, entidade dependente da Deputación, colabora coa Asociación para a Recuperación da Memoria Histórica (ARMH) nos actos de lembranza ós integrantes do batallón Galicia que a Asociación celebra este sábado no Acebo, onde foron asasinados hai 75 anos os trece integrantes do batallón Galicia, que liderou o comandante Moreno, cando intentaban chegar ó porto da Coruña tras combater en lugares coma León ou Asturias.
Coincidindo co aniversario do seu fusilamento, a ARMH organiza un acto de lembranza baixo o lema “Sempre na Memoria”, que gravará un equipo de profesionais e bolseiros da Escola de Imaxe e Son para elaborar un DVD, co fin de contribuír á difusión do labor que a ARMH está a levar a cabo.
Un centenar de persoas chegadas de toda Galicia, Asturias, Madrid, EE.UU., e mesmo de Xapón, deuse cita ás once da mañá no Museo Comarcal da Fonsagrada para partir cara O Acebo. O inicio da homenaxe estaba previsto para as doce, coa intervención do Alcalde da Fonsagrada, familiares, amigos, veciños, testemuñas e investigadores, que levaron unha presiña de pedras dun lugar que sexa significativo para eles, e que colocarán xuntas para facer un milladoiro conmemorativo. No lugar no que estiveron soterradas máis de 70 anos, descendentes das vítimas do Acebo procederán ó descubrimento dunha placa. Posteriormente, a comitiva trasladarase ó cemiterio da Fonsagrada, onde no ano 2009 recibiron sepultura os restos do comandante Moreno e os seus homes. No camposanto, terá lugar unha ofrenda floral coa lectura de poemas e un concerto de trompa. Ó remate, os participantes celebrarán un xantar de confraternidade, nun restaurante da Fonsagrada.
O labor social e cultural da TIC
A colaboración da TIC realízase en virtude do convenio subscrito coa Asociación para a Recuperación da Memoria Histórica, unha das 120 entidades de toda a provincia ás que apoia cun dobre obxectivo: promocionar o seu labor social e cultural, ó tempo que os alumnos e bolseiros da Escola de Imaxe e Son, o único centro público en Lugo que ofrece ensinanzas da rama audiovisual, completan a súa formación de cara a súa inserción laboral. Entre as organización coas que colabora a TIC, figuran ONGs, asociacións culturais, deportivas e empresas, que fomentan o emprego das novas tecnoloxías no tecido industrial da provincia.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
A semifinal do Mundial poderá seguirse este martes ás 21.00 horas na Praza Maior.
A alcaldesa, Dolores García Caramés, e o concelleiro Adrián Arias non quixeron perderse a cita e foron os encargados de facer entrega dos premios ás persoas gañadoras, felicitando a todos os participantes polo seu esforzo e polo gran nivel demostrado durante a competición. Desde o Concello de Cervo expresaron o agradecemento á Asociación Cabaleiros da Bidueira polo excelente traballo de organización, así como a todas as persoas colaboradoras, participantes e público asistente que fixeron posible o éxito desta terceira edición.
Polos micrófonos pasaron entre outras as concelleiras de Cultura e Turismo: Begoña Sanjurjo e Marta Saíz; o alcalde, Dani Vega; a pdta de Acisa, Carmen Cruzado; a dtra da Coral Polifónica de Ribadeo, Mari Carmen Rdez Cancelo; a pregoeira, María Xosé Porteiro ou Ángel Terry, membro do afamado grupo de son cubano, Estrellas de Buena Vista y más que foron os encargados de pechar o evento na xornada do domingo.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
María José Gómez, participou este sábado nos actos de celebración do XI Ribadeo Indiano.
Con este xesto, o Concello quere expresar o seu máis fondo pesar e trasladar toda a súa solidariedade e apoio ás familias das vítimas, ás persoas afectadas e a toda a veciñanza, compartindo a dor por esta inmensa traxedia.
