Os permisos, en fase de tramitación, solicitáronse pola multinacional mineira GoldQuest e afectarían a zonas de especial valor ecolóxico das reservas de Terras do Miño e Río Eo, Oscos e Terras de Burón
Tras facerse público recentemente que a empresa de capital dominicano-canadiense GoldQuest, a través da súa filial GoldQuest Ibérica S.L., solicitou autorización para iniciar tarefas de exploración e investigación mineira baixo os epígrafes “Lago I” e “Lago II” na provincia de Lugo, desde Unión Progreso e Democracia desexan manifestar o seu rexeitamento á iniciativa, que afectaría a unha superficie cercana ás 14.000 hectáreas de terreo comprendido dentro do Programa MaB da UNESCO.
Por unha parte, As Terras do Miño albergan unha das mellores representacións de ecosistemas naturais e coexistencia dos seus habitantes co estilo de vida tradicional característicos dos territorios sublitorais de toda a Rexión Atlántica Europea.
Doutro lado, a Reserva da Biosfera do Río Eo, Oscos e Terras de Burón, compartida entre Asturias e Galicia, inclúe unha ampla variedade de ecosistemas naturais de moi alto valor ambiental podendo identificarse un total de 41 tipos de hábitats de interese comunitario, 11 de eles prioritarios e algunhas das mellores paisaxes de montaña de toda Galicia.
En 1971, a UNESCO comenzou co programa MaB (Man and Biosphere), co obxectivo de conciliar a protección de lugares de especial relevancia a nivel natural co concepto de desenrolo sostible. A función destes espazos, que actualmente son pouco máis de 600 a nivel mundial, é a de conservar e protexer a biodiversidade, o estilo de vida tradicional das comunidades implicadas e a investigación, educación e intercambio de información entre as diferentes reservas, que conforman unha rede mundial recoñecida e altamente valorada a nivel internacional.
Desde UPyD non alcanza a comprender como a administración autonómica, a través dun plan mineiro fomentado pola Xunta de Galicia, pode primar a afectación sobre o territorio de imprevisibles consecuencias á posta en valor e desenrolo sostible do rural, o que sen dúbida constitúe o seu principal , favorecendo un proceso de dinamización que active o tecido social e empresarial e procure que as iniciativas emerxentes e os novos emprendedores reciban o apoio preciso para levar a cabo proxectos perdurables no tempo e sostibles co entorno.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
