CERVO .- O Alcalde de Cervo, Alfonso Villares, dirixe un escrito o conselleiro de Industria pedíndolle que interceda ante a conselleira de Vivenda para “deixar sen efecto o Plan Sectorial de Ordenación das Áreas Empresariais de Galicia, no que se inclúe a actuación do polígono industrial Xove-Cervo. O mandatario popular, no mesmo escrito, afirma que “O BNG convoca unha manifestación no día de hoxe para reclamar ao Goberno central medidas que permitan rentabilizar o dique norte de Alcoa” e “o Concello de Cervo comparte este obxectivo”
Nota de Prensa
COPIA DO ESCRITO DO QUE FARÁ ENTREGA O ALCALDE DE CERVO, ALFONSO VILLARES,
AO CONSELLEIRO DE INNOVACIÓN E INDUSTRIA FERNÁNDO BLANCO:
SUPRESIÓN POLÍGONO
SUPRAMUNICIPAL DE ALCOA
Sr Conselleiro:
Con data 31 de xullo de 2008 o Consello da Xunta de Galicia na súa xuntanza, acordou iniciar os trámites para deixar sen efecto o Plan Sectorial de Ordenación de Áreas Empresariais na Comunidade Autónoma de Galicia, aprobado o 27 de maio de 2004.
Isto constitúe un novo atranco ao proxecto de construción do polígono industrial do cinto de ALCOA, que ten previsto situarse nos concellos de Cervo e Xove
Desde o Concello de Cervo entendemos que a construción dunha nova área industrial no contorno da primeira empresa da Mariña, ALCOA, é imprescindible e un proxecto irrenunciable
O BNG convoca unha manifestación no día de hoxe para reclamar ao Goberno central medidas que permitan rentabilizar o dique norte de ALCOA.
O Concello de Cervo comparte este obxectivo, a necesaria apertura ao tráfico comercial xeral do dique norte de ALCOA e a posta en marcha dunha Autoridade Portuaria Propia para Lugo, a única provincia marítima de España sen dispoñer deste organismo como propio.
Pero xunto a iso entende imprescindible que se adopten outra serie de decisións como é potenciar as xestións necesarias para crear o polígono industrial do cinto de ALCOA.
Ambas son medidas prioritarias para fomentar o desenvolvemento industrial da Mariña, a chegada de novas empresas e, a creación de novos postos de traballo.
Debemos impulsar este tipo de actuacións sobre todo agora cando o contexto económico xeral non é bo e necesita medidas de impulso e rehabilitación da actividade económica.
Esperamos que o Sr Conselleiro de Innovación e Industria, como membro do Goberno de Galicia faga traslado destas reivindicacións ao conxunto do Executivo.
Esperamos tamén que a Xunta de Galicia amose o seu compromiso con estas iniciativas que tan só buscan o mellor para os veciños de Cervo e da súa comarca.
Desexamos, finalmente que o Conselleiro de Innovación e Industria interceda ante a súa compañeira de Goberno, a Conselleira de Vivenda e Solo para que reconsidere aquelas decisións que van en contra dos intereses aquí expresados.
De xeito particular, reconsidere a decisión de deixar sen efecto o Plan Sectorial de Ordenación das Áreas Empresariais de Galicia, no que se inclúe a actuación do polígono industrial Xove-Cervo.
E por iso que hoxe, facemos traslado ao Conselleiro destas peticións que, observando a bondade do seu obxectivo, entendemos serán compartidas por todos.
San Ciprián, 06 de setembro de 2008
O Alcalde de Cervo
D. Alfonso Villares Bermúdez
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
