NOTA DE PRENSA
Un técnico da Xunta de Galicia visitará a escola ao longo da tarde de hoxe para comprobar o estado das instalacións e as deficiencias do tellado despois de meses de abandono por parte da anterior administración autonómica en complicidade co silencio e a falta de interese do Goberno municipal
BENESTAR AMAÑARÁ A CUBERTA DA ESCOLA INFANTIL DE BURELA EN AGOSTO APROVEITANDO QUE OS RAPACES NON TEÑEN CLASE
* As obras, que se acometerán con carácter de urxencia, consistiran na reposición da cuberta e retirada da lona que desde fai sete meses intenta evitar as filtracións de auga no comedor e nos espazos de xogo dos nenos e nenas que fan uso do servizo.
* O deputado popular clarexa que a anterior Vicepresidencia do Benestar non se preocupou de adoptar os trámites oportunos para realizar as reparacións necesarias. “Tiveron que ser os novos responsables autonómicos quen, tras acceder ao Goberno, decidiron levar adiante as oportunas obras coincidindo coas xornadas non lectivas na Escola”.
* A precariedade das instalacións afectadas polos temporais de inverno xa foi denunciada polo Partido Popular que meses atrais estaba a facerse eco do malestar das nais e pais. Por aquel entonces Neves Cando defendía o proceder dos responsables da anterior Xunta de Galicia e a súa desidia á hora de solucionar os problemas detectados
A Mariña, 15 de xuño de 2009.- A Consellería de Traballo e Benestar da Xunta de Galicia procederá a amañar a cuberta da Escola Infantil de Burela en agosto, aproveitando a época estival –con menos choivas- e en período non lectivo –durante o cal os nenos e nenas usuarios do servizo non teñen clases- para evitar os trastornos que podería provocar a execución dos traballos de reparación do tellado de acometerse nestes momentos. Así o explicou o deputado autonómico do Partido Popular, Jose Manuel Balseiro Orol citando fontes da Xunta de Galicia.
AVALIACIÓN TÉCNICA DAS INSTALACIÓNS
Precisamente ao longo da tarde de hoxe un técnico da Secretaría Xeral de Benestar desprazarase ata a Escola Infantil co obxecto de verificar o estado das instalacións. Tamén avaliará a gravidade das deficiencias detectadas no tellado e os pasos a seguir para o seu completo arranxo despois de sete meses de abandono por parte da anterior administración autonómica que se limitou a cubrir a zona que presentaba as goteiras cunha lona.
DECISIÓN DOS ACTUAIS RESPONSABLES
“É unha mágoa que desde a Vicepresidencia da Xunta de Galicia non aproveitasen outro período para acometer o arranxo destas filtracións de auga e da cuberta. De feito estou en disposición de adiantar que non había ningunha decisión adoptada neste sentido. Foron os novos responsables da Consellería do Benestar os que, tras acceder ao Goberno de Galicia, se preocuparon por esta cuestión e puxeron en marcha os trámites necesarios para efectuar esta reparación de urxencia coincidindo coa época na que non hai nenos e nenas facendo uso da Escola” – explicou Balseiro-
DENUNCIA DO PARTIDO POPULAR
Precisamente no seu momento foi o propio Partido Popular de Galicia quen facéndose eco do malestar de moitas familias usuarias do servizo denunciou as deficiencias nas instalacións e, de xeito especial, a falta de interese da extinta Vicepresidencia da Xunta de Galicia que non estaba a amañar o tellado da Escola pese a ter constancia de que, despois dos temporais de vento e choiva do pasado inverno, se estaban a producir filtracións de auga e goteiras na zona do comedor, espazos comúns e áreas de xogo das que facían uso os nenos e nenas matriculados.
Por aquel entonces Neves Cando defendía o proceder da anterior Xunta de Galicia que actuaba con desidia ante os problemas detectados, a diferenza do que fai agora que sae á palestra cando si existe vontade manifesta de acometer as reparacións da cuberta da Escola Infantil. “A señora Cando está a protagonizar un acto de profunda demagoxia do que estou seguro serán moi conscientes todos os veciños de Burela. Non ten sentido que antes defendera a pasividade da Xunta bipartita e agora afirme que se trata dunha actuación prioritaria. Non seu momento non se preocupou polos nenos e nenas usuarios da Escola Infantil ou, de preocuparse non lle fixeron ningún caso os seus compañeiros na Xunta. Agora somos outros os que, por compromiso e por coherencia, vamos a amañar esta situación”- concluíu Balseiro- que agradeceu a preocupación amosada pola secretaria xeral de Benestar, Susana López Abella.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
