BURELA (FNC) .- O Concello de Burela estará presente en todo o mundo a través dos programas e-Xacobeo 2009 e Ano Xacobeo 2010, o que representa, segundo o concelleiro de Turismo, José González Legazpi “un avance sen precedentes da nosa localidade, único Concello da comarca da Mariña e dos poucos de Galicia integrados en dita rede de comunicación, consecuencia de se atopar na plataforma Cidades Dixitais dende outubro do pasado ano, como aposta decidida da nosa Delegación”. Ademáis suporá a presentación do DVD corporativo denominado Gústame Burela “que xa ten presenza no ámbito da ruta xacobea, promovendo así unha divulgación de noso Concello sen precedentes anteriores”.
González Legazpi lembra que “o Concello de Burela esta integrado dende fai algo máis de un ano na plataforma Cidades Dixitais, condición que posibilita que o noso Concello se atope presente de modo predominante non so durante todo o Xacobeo 2010, se non tamén, en tódalas divulgacións previas deste segundo semestre de 2009 promovidas polo e-Xacobeo. Trátase dun referente internacional en canto á utilización de novas tecnoloxías para a promoción mediante o que Burela avanzará na divulgación de tódolos seus recursos xa que logo as estimacións que se pretenden superan os 600 millóns de visitas so na paxina web do Xacobeo, e que terán un efecto multiplicador a outras posibilidades da rede de comunicación”.
Presentes en todo o mundo dende o Camiño francés
O concelleiro nacionalista explica que “un importante número de albergues do Camiño Francés da Ruta Xacobea atópanse dotados xa de puntos tecnolóxicos de comunicación vinculados á plataforma Cidades Dixitais interconectados co existente no noso Concello, e que determinan que Burela será unha das poucas localidades de Galicia e a única da comarca da Mariña con presenza na referida rede de comunicación. Burela avanza deste xeito de forma determinante e sen precedentes na súa divulgación como localidade que ten apostado de forma decidida polas novas tecnoloxías de comunicación, como xa temos dito en moitas ocasións dende a Delegación de Turismo”.
Burela no turismo do século XXI
O Concello de Burela dende a súa Delegación de Industria, Comercio e Turismo “apostou por unha nova forma de entender o turismo, por unha tecnoloxía para un tempo novo, ecolóxica, natural, e respectuosa co medio, presentando agora cara ao Xacobeo un novo dvd corporativo co lema Gústame Burela que se atopa xa integrado na plataforma dixital e por tanto desenvolvendo xa accións transcendentais para Burela de cara ao turismo e aos nosos recursos dende unha rede de comunicación aberta ao mundo na que nos atopamos presentes e que dentro deste segundo semestre de ano 2009 e durante todo o ano 2010 como consecuencia dos programas do Xacobeo, Burela forma parte do turismo do século XXI, e avanza significativamentea o incrementar a súa presenza en redes de comunicación vinculadas coa información xeral, pero primordialmente cos ámbitos turísticos. Por tanto podemos considerar que o concello de Burela atopase xa naquelas plataformas máis modernas que nos traerán sen dúbida grandes posibilidades de desenvolvemento”.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
