A MARIÑA .- O conselleiro de Presidencia visitou zonas da Mariña afectadas polas fortes choivas das últimas horas e destacou que o operativo habilitado pola Xunta de Galicia para minimizar as incidencias causadas polas intensas choivas funciona “adecuada e coordinadamente”.
Nota de Prensa
O conselleiro de Presidencia visita as zonas da Mariña lucense afectadas polas fortes choivas das últimas horas
Alfonso Rueda destacou que o operativo habilitado pola Xunta de Galicia para minimizar as incidencias causadas polas intensas choivas funciona “adecuada e coordinadamente”
As precipitacións rexistradas entre as 23.00 horas de onte e as 12.00 horas de hoxe teñen provocado 56 anegamentos e 24 incidencias por verquidos en estradas
Santiago, 10 de xuño de 2010.- O conselleiro de Presidencia, Administracións Públicas e Xustiza, Alfonso Rueda, desprazouse esta mañá ata a Mariña lucense para visitar as principais zonas afectadas polas choivass acontecidas nas últimas horas nesta zona. Concretamente, visitou os concellos de Cervo, Burela e Barreiros, onde reuniuse cos seus alcaldes, aínda que tamén mantivo contacto cos rexedores de Lourenzá, Viveiro e Ribadeo, co presidente da Deputación de Lugo, José Manuel Gómez Besteiro, que tamén se tiña desprazado á Mariña lucense.
Alfonso Rueda estivo acompañado en todo momento pola delegada territorial da Xunta en Lugo, Raquel Arias, o director xeral de Emerxencias e Interior, Santiago Villanueva; e o xerente da Axega, Juan José Muñoz.
O conselleiro destacou que o operativo habilitado pola Xunta de Galicia, en coordinación cos concellos afectados e a Deputación de Lugo, para minimizar as incidencias causadas polas intensas choivas rexistradas na Mariña lucense funciona” adecuada e coordinadamente”.
Balance de incidencias
As precipitacións rexistradas entre as 23.00 horas de onte e as 12.00 horas de hoxe teñen provocado ata 56 incidencias relacionadas principalmente anegamentos de vivendas, baixos comerciais e garaxes. Así mesmo tamén se teñen producido 24 incidencias por verquidos en estradas debido á caída de pedras, terra, árbores ou pola creación de bolsas de auga en estradas.
Os concellos máis afectados están a ser Barreiros, Burela, Cervo, e Ribadeo, aínda que tamén houbo incidencia relacionadas coas chuvias en Lourenzá, Foz,Viveiro e Xove.
As incidencias máis destacables que se rexistraron están relacionadas con estradas secundarias e locais cortadas nos concellos de Xove, Foz, Cervo, Ribadeo, Lourenzá, Viveiro e Trabada; así como ás que afectaron ao tramo da liña férrea Ferrol-Ribadeo. Neste último caso, a incidencia máis destacada foi a colisión dun tren contra unha árbore no concello de O Vicedo, que afortunadamente non tivo feridos.
Grupo de Apoio Loxístico
Ante as predicións meteorolóxicas recibidas a última hora de onte, a Axencia Galega de Emerxencias (Axega) enviou á Mariña lucense ao seu Grupo de Apoio Loxístico, dotado cun remolque para achiques e dun Posto de Mando Avanzado, que quedou instalado no Concello de Barreiros pasada a medianoite.
En dito posto estivo a delegada territorial da Xunta en Lugo, Raquel Arias; o director xeral de Emerxencias e Interior, Santiago Villanueva; e o xerente da Axega, Juan José Muñoz; así como responsables de distintos grupos de intervención e corpos de seguridade.
Pola súa banda, a Consellería de Medio Ambiente, Territorio e Infraestruturas (MATI), a través da Administración Hidráulica de Galicia, puxo en marcha desde a sete e media desta madrugada, un operativo dun total de 13 persoas, que nestes momentos se encontran, principalmente, no Concello de Cervo.
A MATI informa de que, respecto da situación dos viais, o incidente máis salientable na rede de estradas autonómica produciuse na estrada da Costa, á altura do punto quilométrico 93, no Concello de Xove. A causa dos arrastres de terras, procedentes dos desmontes que se están a realizar nas obras da VAC Celeiro-San Cibrao, cubriuse parte da calzada de dito vial. Non obstante, coa colaboración da maquinaria do concello procedeuse a retirar o material que obstruía a circulación, restablecéndose a mesma a primeira hora da mañá. Nestes momentos atópase un retén de vixilancia para evitar novos desprendementos.
En relación co resto de viais, os dispositivos do Servizo de Conservación de Estradas están en permanente alerta co obxectivo de actuar naqueles puntos nos que se produzan incidentes. Nestes momentos estase a despexar a estrada LU-102 á altura de Viveiro, logo dun desprendemento que tivo lugar esta mañá.
Segundo as predicións meteorolóxicas, durante a xornada de mañá, venres, continuarán as chuvias con carácter persistente, pero a previsión apuntan a que irán perdendo intensidade, quedando os acumulados xa por debaixo dos 40 l/m2 durante toda a xornada. O dispositivo habilitado pola Xunta de Galicia continuará en plena actividade ata que se recupere a normalidade na zona.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
Polos micrófonos pasaron entre outras as concelleiras de Cultura e Turismo: Begoña Sanjurjo e Marta Saíz; o alcalde, Dani Vega; a pdta de Acisa, Carmen Cruzado; a dtra da Coral Polifónica de Ribadeo, Mari Carmen Rdez Cancelo; a pregoeira, María Xosé Porteiro ou Ángel Terry, membro do afamado grupo de son cubano, Estrellas de Buena Vista y más que foron os encargados de pechar o evento na xornada do domingo.
A alcaldesa, Dolores García Caramés, e o concelleiro Adrián Arias non quixeron perderse a cita e foron os encargados de facer entrega dos premios ás persoas gañadoras, felicitando a todos os participantes polo seu esforzo e polo gran nivel demostrado durante a competición. Desde o Concello de Cervo expresaron o agradecemento á Asociación Cabaleiros da Bidueira polo excelente traballo de organización, así como a todas as persoas colaboradoras, participantes e público asistente que fixeron posible o éxito desta terceira edición.
María José Gómez, participou este sábado nos actos de celebración do XI Ribadeo Indiano.
Con este xesto, o Concello quere expresar o seu máis fondo pesar e trasladar toda a súa solidariedade e apoio ás familias das vítimas, ás persoas afectadas e a toda a veciñanza, compartindo a dor por esta inmensa traxedia.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
