Foz, 14 de agosto de 2013. O próximo domingo, día 18 de agosto, recuperarase en Cangas de Foz a feira de gando que tiña lugar fai décadas. Ademais da exposición e venda de reses de vacún e cabalar haberá competicións nas que se poderán gañar ata 150 euros.
A primeira feira de gando da nova etapa realizarase a carón da área recreativa dos Castros, na que dende as 10 da mañá recibirase ós gandeiros que concorran con reses para a exposición e venda das mesmas. Despois de almorzar, para o que estará instalada unha pulpería no recinto feiral, darán comezo ás 5 da tarde no campo de fútbol as competicións de cabalos. A primeira modalidade será a de andadura, con dúas modalidades de cabalos cruzados do país: chapeados e serrados. Despois da proba anterior será a quenda dos cabalos trotóns, na que participarán xuntos os cabalos das dúas modalidades.
Ó remate dos concursos terá lugar no campo de competición a entrega, por parte das autoridades asistentes, dos premios para os participantes na feira e nas competicións. Os galardóns polas probas de andadura de cabalos cruzados serán: un primeiro premio de 150 euros máis un trofeo; un segundo premio de 100 euros; terceiro premio de 50 euros e un cuarto premio que será un saco de penso. Os premios polas probas de andadura de cabalos trotóns serán os mesmos. Tamén terán recompensa os participantes na feira, gañando 50 euros e un saco de avea tanto o gandeiro con maior número de reses de cabalar como o que presente o maior número de vacún.
Na presentación da feira, na que se deron a coñecer estes actos e premios, estiveron os concelleiros do goberno local focense Pedro Fernández Manín e Maite López Rego; directivos da asociación de veciños de Cangas e os membros da Agrupación de Cabaleiros de Cangas: Eladio, Eugenio, Miguel, Rubén e Soraya.
Así o Concello de Foz, por iniciativa dos Cabaleiros de Cangas, recupera esta feira que comezou a celebrarse todos os días 14 de cada mes a finais dos anos 30, no fondal do barrio da Gralleira, por iniciativa de Don Máximo Vázquez (O Salgueiro), que exercía na parroquia como representante da administración. A feira foi adquirindo unha grande sona na comarca, xa que o emprazamento estaba dotado de case todos os servizos, e polo tanto, a Cangas, achegábanse máis de 200 cabezas de gando de toda a comarca para facer negocios. A raíz do comezo desta actividade, os veciños da parroquia foron quen de organizar unha sociedade gandeira de seguros dos animais. Segundo explica a organización, “co paso do tempo, e sen motivo aparente, desgraciadamente para os intereses da parroquia, a feira foi languidecendo e morrendo ata que, a principios dos anos corenta, deixou de existir, perdéndose unha referencia da comarca”.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
