Lugo, 3 de xullo de 2014.- O presidente do Partido Popular de Ribadeo, Jesús López Penabad reprochou ao alcalde, o nacionalista Fernando Suárez, que se permita o luxo de renunciar a entre seis e doce novas contratacións subvencionadas pola Xunta, ao non solicitar o convenio que o Goberno galego ofreceu a todos os concellos da comunidade para a posta en marcha das brigadas contraindencios.
O dirixente popular censura a actitude insensata do rexedor nacionalista e a súa falta de sensibilidade tendo en conta que esta decisión tería permitido dar unha oportunidade de acceder a un posto de traballo ás persoas que puideron ser contratadas, precisamente nun municipio no que, segundo os últimos datos oficiais, máis de 700 veciños se atopan parados.
O presidente popular explicou que un concello das características de Ribadeo podería ter solicitado incluso dúas brigadas contraincendios, cada unha delas compostas por seis operarios, subvencionadas no 75% do seu custe directamente pola Xunta de Galicia.
Os populares suman estes novos reproches aos xa efectuados no momento de coñecerse que Ribadeo, xunto con O Valadouro, eran os únicos concellos da Mariña lucense que renunciaban á posta en marcha das brigadas municipais.
Daquela os populares, en voz do seu presidente, xa alertaron da irresponsabilidade e imprudencia desta decisión do alcalde, xa que supón prescindir dun servizo esencial na prevención e loita contra o lume, nun concello que –como puidemos comprobar nas últimas datas- a actividade incendiaria é elevada e, de feito, Ribadeo ten sufrido os lumes forestais máis importantes da comarca.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
