Madrid, 16 de xuño de 2015.- A deputada socialista por Lugo Margarita Pérez Herraiz rexistrou no Congreso unha batería de preguntas parlamentarias coas que reclama o Goberno que explique cal é o estado dos diferentes proxectos recollidos na Estratexia para a Abordaxe da Cronicidade no Sistema Nacional de Saúde, que foi aprobada en 2012, así como que actuacións realizou o Goberno para levar a cabo as recomendacións da devandita Estratexia.
Pérez Herraiz recorda que esta Estratexia “foi aprobada polo Consello Interterritorial para a súa aplicación en todos os servizos de saúde de España, e establece obxectivos e recomendacións para orientar a organización dos devanditos servizos cara á mellora da saúde da poboación, a prevención das condicións de saúde e limitacións na actividade de carácter crónico, e a súa acción integral”.
A deputada pide ao Goberno que responda sobre que Consellos de Saúde se constituíron dende 2012 na provincia de Lugo e con que actividade, que canles formais de participación se estableceron para garantir en Lugo o traballo compartido polo sistema sanitario e social con asociacións de coidadores e pacientes afectados por problemas de saúde crónicos, e que programas de voluntariado se impulsaron na provincia para apoiar coidadores e enfermos crónicos.
A deputada socialista sinala que, segundo os datos do INE, entre 2011 e 2012 había en Galicia 876.300 persoas maiores de 15 anos con algunha enfermidade crónica. Extrapolando estes datos, na provincia de Lugo había 109.275 persoas con algún problema de saúde crónico. Ademais, 40.166 persoas teñen na provincia de Lugo problemas para realizar actividades cotiás (322.100 persoas en Galicia) e 79.347 lucenses teñen de forma constante dor ou malestar (636.300 galegos).
Así mesmo, apunta que en Galicia hai un 2,82% de poboación con ditame de dependencia e que o número destas persoas na provincia de Lugo ascende 9.665. Así, destaca que Galicia ten unha porcentaxe de dependencia recoñecida menor que España (3,20%) aínda que o índice de envellecemento en Galicia é maior (7,91% da poboación en Galicia fronte ao 5,67% de España). En Lugo, o índice de envellecemento alcanza o 11,01% da poboación, con 37.729 maiores de 80 anos.
Con estes datos, a deputada lucense resalta que “na actualidade o patrón epidemiolóxico dominante está representado polas enfermidades crónicas, que levan consigo unha limitación na calidade das persoas afectadas e das persoas coidadoras, que son causa de mortalidade prematura e ocasionan efectos económicos importantes nas familias e na sociedade”. “Polo tanto, -defende- é preciso transformar a atención sanitaria para que afronte mellor as condicións de saúde crónicas”.
Por iso, pregunta tamén ao Goberno se realizou os proxectos para implementar a Estratexia para a Abordaxe da Cronicidade no SNS, como: o de Estratificación da Poboación, o Seguimento avaliado da atención aos pacientes con enfermidades crónicas, a creación dunha Rede de Escolas de Saúde para cidadáns e a creación da Plataforma de Innovación Sanitaria para impulsar a innovación diagnóstica, terapéutica e de xestión clínica na atención sanitaria.
Así mesmo, se o Goberno realizou a Actualización do Marco Estratéxico para a mellora da Atención Primaria en España 2007-2012 e se elaborou o Proxecto de análise de situación e propostas de mellora dos Programas de Atención Domiciliaria no Sistema Nacional de Saúde. Sobre iso, Pérez Herraiz incide na “vital importancia que teñen as actuacións de atención primaria no conxunto do sistema sanitario”.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
