Ribadeo, 8 de agosto de 2018. A Banda Municipal de Música de Ribadeo terá tres actuacións a vindeira semana e a primeira delas será o día 16, xoves, cando ofrecerá o tradicional concerto de San Roque ás 13:30 horas a carón da capela do copatrono da vila ribadense. O día 17 a Banda de Ribadeo actuará na localidade asturiana de Luarca e o sábado 18 terá lugar en Cabanela o tradicional concerto churrascada, ás 21:00 horas.
O director da Banda, David Ballester, anunciou hoxe que “a Banda Municipal de Música de Ribadeo segue cos seus concertos de verán. Esta semana que vén será axetreada xa que o día 16 de agosto, como é tradicional, a Banda Municipal celebrará San Roque cun concerto á unha e media do mediodía xusto a carón da capela de San Roque, no que interpretaremos un repertorio variado”.
David Ballester engade que “o día 17 de agosto, debido a que o ano pasado a Banda de Música de Luarca veu visitarnos no Festival de Bandas, este ano respondémoslle nosoutros coa nosa visita e iremos a Luarca, que celebra o San Timoteo, e tamén participaremos alí nun festival de bandas”.
O director da Banda Municipal de Música de Ribadeo adianta ademais que “o sábado 18 de agosto ás nove da noite teremos o tamén máis que coñecido concerto churrascada en Cabanela, onde a Banda segue co seu creo que bo facer e vai interpretar obras coñecidas. Como é un concerto máis informal imos interpretar temas animados actuais, non vou dicir cales, pero a xente que vaia seguramente os identifique e vai ser un concerto movido. Ao rematar a actuación haberá esa churrascada, na que sempre nos axudan os Amigos da Semana Santa, aos que lles agradecemos a súa colaboración”.
Ballester remata invitando “a toda a xente que estea en Ribadeo a celebrar o San Roque ca Banda Municipal de Música e a achegarse a Cabanela o día 18 para gozar dese concerto”.
ÚLTIMA HORA
- Arrancan as obras no tramo final da LU-P-4802, que une A Pontenova e Ribeira de Piquín
- O PP de Trabada reprocha ao goberno local que deixase pasar programas clave como Aprol Rural
- A Xunta someterá a información pública o estudo informativo e ambiental da variante de Viveiro
- A Garda Civil desartella un grupo itinerante que furtaba en aparcadoiros da Mariña
- O Teatro Pastor Díaz de Viveiro acollerá este sábado 2 de maio, ás 20:30 horas, a representación da obra “Los hombres no mienten”, a cargo do grupo local Andanzas
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca. - Este xoves 30, ás 17:15 horas, a Casa da Cultura do Vicedo acollerá unha actividade de animación á lectura coa compañía Trécola Producións, que presentará o espectáculo “Contos da Lúa”, dirixido a nenos e nenas de Educación Primaria
Sinopse: Cando chega a noite e nós durmimos, a Lúa asoma polas fiestras e goza dos nosos soños. Así descobre historias máxicas, tolas e divertidas. Os seus soños favoritos son os de Calcetín, un personaxe amante da lectura e cunha imaxinación desbordante. Viaxa entre estrelas, pilota un zapato que percorre os mares ou chega ao mundo do revés. Unha proposta chea de fantasía e creatividade para fomentar o gusto pola lectura entre os máis pequenos. - A XXXV Festa da Filloa de Muimenta celebrarase o 1 de maio co apoio da Xunta e da Deputación
Na presentación participaron o delegado territorial da Xunta, Javier Arias; o Deputado de Cooperación e Asistencia aos Concellos, Xosé María Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada. - O Concello de Navia fai un balance moi positivo da XVII Feira do Libro e da III Feira da Ilustración, que durante a fin de semana atraeron numeroso público
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato. - Ortigueira acolleu a IV Concentración Motera
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego. - O delegado territorial da Xunta en Lugo, Javier Arias, visitou este sábado a XXXV Feira da Maquinaria Usada e Artesanía e a XIX Feira das Antigüidades de Cospeito
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega. - O Concello de Ortigueira programa para o 1 de maio ás 20:30 h o espectáculo El sentir de mi sentido no Teatro da Beneficencia, a cargo do grupo vocal Qvinta Essençia, referente na interpretación da polifonía renacentista
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
2021 Crónica 3 A Mariña - Implementado por GaliciaDigital