Burela 11-7-19. O Pescados Rubén Burela FS e Vista Alegre voltarán á elite o 14 de setembro, coa visita de Industrias Santa Coloma na primeira xornada de liga. Así o deu a coñecer hoxe a LNFS na asamblea na que aprobou os calendarios de Primeira e Segunda e onde tamén se concedeu moratoria para a reforma do pavillón burelao.
A entidade laranxa quere amosar o seu agradecemento aos clubs que amosaron o seu apoio para esta aprobación, permitindo que a Bomboneira siga sendo pista habitual de xogo esta tempada, a excepción dos partidos televisados. A LNFS visitará nos vindeiros días as instalacións de Viveiro para valorar se cumpren os requisitos televisivos.
Xornada 1
Aspil Jumpers Ribera Navarra – Movistar Inter
Jimbee Cartagena – Barça
Fútbol Emotion Zaragoza – Peñíscola
Jaén Paraíso Interior – Viña Albali Valdepeñas
Palma Futsal – Levante UD
Córdoba Futsal – Osasuna Magna
Pescados Rubén Burela – Industrias Santa Coloma
O Parrulo Ferrol – ElPozo Murcia
Os pupilos de Juanma Marrube terán unhas saídas complicadas no inicio de calendario, cos desprazamentos á pista do Movistar Inter, ElPozo Murcia e Barcelona nas xornadas 4, 6 e 8. O primeiro derbi irmandiño con O Parrulo Ferrol tamén será a docimicilio, na xornada 10, o 23 de novembro. Coa chegada do Nadal, o 21 de decembro, o Pescados Rubén pechará a primeira volta, de novo na casa, con Jimbee Cartagena FS.
Para a segunda volta, que se clausurará o 2 de maio, a Bomboneira cobrará protagonismo, acollendo aos tres grandes, entre o 21 de xaneiro e o 29 de febreiro, e o duelo galego, o 21 de marzo.
Os Bombeiros de Vilalba excarceraron ao condutor ferido que quedou atrapado no interior do vehículo. O 112 Galicia tivo constancia do accidente ás 16:20 horas desta tarde. Un particular informaba a esa hora dun coche envorcado na LU-P 6501, quilómetro 40 en Rioaveso, ao seu paso por Cospeito (Lugo). Indicaba que no interior do vehículo había unha persoa ferida, consciente pero que non podía saír. Con estes datos, os xestores do 112 pasaron aviso ao Servizo de Urxencias Sanitarias de Galicia-061, aos Bombeiros de Vilalba, á Garda Civil de Tráfico e ao persoal de mantemento da vía.Unha vez no punto, os Bombeiros confirmaron a excarceración do ferido para posteriormente ser trasladado polo persoal do Servizo de Urxencias Sanitarias de Galicia-061.
Trátasde dun grupo coñecido pola súa posta en escena humorística e teatral, que combina música tradicional con estética de taberna e espírito festivo. O evento celebrarase o 22 de maio ás 23:00 horas na Rúa do Cobo nº 18, cun prezo de entrada de 5 euros. As persoas asistentes están convidadas a traer instrumentos para sumarse á foliada. A actividade conta con presenza en Facebook, Instagram e TikTok, onde se pode seguir a programación e novidades do espazo.
Será o sábado 23 de maio, nas Letras no Campo, Feira do libro ribadense, nun acto no que estará acompañado de Suso Fernández Acevedo.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
