Lugo, 23 de decembro de 2019. A Consellería de Política Social financia con 1,2 millóns de euros os programas de emerxencia e inclusión social de 14 concellos da provincia de Lugo en apoio dos colectivos en situación de vulnerabilidade.
Entre as iniciativas que os servizos sociais municipais desenvolverán -co apoio da Xunta- están os programas de inclusión da poboación xitana, inmigrante e persoas en risco de exclusión social que engaden, por primeira vez, un programa específico para a atención ás persoas sen fogar.
O orzamento destinado polo Goberno galego para estas accións duplica o previsto o ano anterior e inclúe a ampliación do período para levar a cabo os programas subvencionados, que se eleva de 16 a 20 meses, para que os concellos que os impulsen conten con máis continuidade.
Catro programas subvencionados
O delegado territorial da Xunta en Lugo, José Manuel Balseiro, explicou que respecto á provincia de Lugo, catro concellos da provincia (Lugo, Monforte, Quiroga e Viveiro) repártense un total de 290.061,71 euros para o programa de apoio á comunidade xitana.
O segundo programa financiado é o dirixido á inclusión social da poboación inmigrante, con 290.061 euros a distribuír entre outros catro concellos, en concreto, os de Burela, Lugo, Viveiro e Vilalba.
A terceira das accións financiadas é a promovida polo Concello de Lugo, que recibe 68.772 euros para o programa de apoio a situacións de emerxencia social.
Finalmente, máis de medio millón de euros (572.178 euros) servirán para apoiar os programas complementarios de educación e apoio familiar dirixidos á inclusión social dos menores de once municipios da provincia: os de o Viveiro, Vilalba, Sober, Pobra do Brollón, Pantón, Monforte, Mondoñedo, Guitiriz, Chantada, Carballedo e Burela.
Aínda que as accións subvencionables pode variar en función do programa concreto, moitas delas teñen en común iniciativas como a erradicación do chabolismo, mediación cultural e social, reforzo educativo de menores, formación dixital, servizo de transición ao emprego, accións formativas dirixidas ao coñecemento dos valores de acollida, ou á alfabetización nas linguas oficiais e o servizo de Educación Familiar, entre outros.
Esta iniciativa redunda na necesaria colaboración institucional entre os concellos e a Xunta. As corporacións municipais son responsables dos servizos sociais básicos e da prestación destes apoios, e a Administración autonómica financia estas iniciativas.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
