Mondoñedo, 23 de decembro de 2019. O Concello de Mondoñedo está firmemente implicado no apoio ao asentamento de empresas, creación de emprego e apoio ao emprendemento. Agora da un paso máis neste terreo e pon en marcha unha liña de axudas para o asentamento de empresas no polígono industrial.
Esta iniciativa atense ao plan estratéxico de subvencións aprobado polo Concello, presidido por Elena Candia (PP). A xunta local de goberno acaba de dar o visto bo a aprobación da convocatoria e bases reguladoras de subvencións para o fomento da implantación de actividades económicas no parque empresarial de Mondoñedo. Esta convocatoria farase pública a través do Boletín Oficial da Provincia nos próximos días.
Desde o goberno mindoniense lembran que para o Concello resulta prioritario o fomento do mantemento e consolidación das actividades económicas existentes e a captación de novas iniciativas empresarias que, para o desenvolvemento da súa actividade, se apoien en recursos endóxenos do municipio. O equipo de goberno que preside Elena Candia indica que a súa liña de xestión ten entre as súas prioridades a reorientación dos recursos públicos para buscar o asentamento de actividades económicas.
O de Mondoñedo é un municipio doing business, é dicir, un concello adherido a esta iniciativa, impulsada desde o IGAPE, e polo tanto ten un compromiso claro para ofrecer as empresas que se instalen no seu territorio rebaixas fiscais. Deste xeito, os proxectos empresariais que xeren emprego terán rebaixas no Imposto sobre Construcións, Instalacións e Obras (ICIO) e no Imposto de Actividades Económicas (IAE).
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
