Santiago de Compostela, 25 de Marzo 2020. O BNG demanda de novo que o cese de actividade nos bancos marisqueiros, a pé, a flote e a mergullo e as actividades que teñan como destino fundamental do produto o sector da restauración mentres dure o estado de alarma, que recolle o peche obrigatorio de todos os locais de hostalería e restauración. Ao mesmo tempo, solicita que ese cese leve aparellado compensacións económicas por lucro cesante.
A portavoz de Pesca no Parlamento na pasada Lexislatura, Montse Prado, destaca que esta proposta xa foi remitida ao Goberno da Xunta e explica que as actividades extractivas ás que fai referencia a proposta do BNG “vense claramente afectadas”. “Esta situación está a provocar un enorme dano no sector dende o punto de vista económico”, subliña.
“Proba disto é a falta de demanda nas lonxas, de tal modo que o produto ten que ser devolto ao mar ou, no mellor dos supostos e en casos excepcionais, malvendelo por ausencia de compradores ou limitacións da libre competencia”, explica Prado recollendo o sentir do sector.
“Hoxe non existe unha demanda deste tipo de produtos por non ser de primeira necesidade e constátase que os compradores habituais, -depuradoras, restauración, etc-, non están acudindo á lonxa e as máis que escasas vendas teñen un prezo que fai que non resulte sostible dende un punto de vista socioeconómico”, argumenta a nacionalista.
A esta caída na demanda súmanse as dificultades que traslada o sector “para garantir as condicións de seguridade” nos desprazamentos, puntos de control, clasificación, venda en lonxa “polo que existe risco de contaxio entre os persoal profesional e de transmisión aos seus núcleos familiares”, alega Prado.
O BNG explica que a Consellería do Mar segue a manter as competencias para regular o sector, toda vez que no artigo 6 do R/Decreto 463/ 2020, que establece o estado de alarma, recolle: “cada administración conservará as competencias que lle outorga a lexislación vixente na xestión ordinaria dos seus servizos para adoptar as medidas que estime necesarias”.
“Polo tanto debe atender a demanda que está realizando o sector e decretar a suspensión provisional da actividade de marisqueo por causa maior derivada do estado de alarma para a xestión da situación de crise sanitaria ocasionada polo COVID-19. Toda vez que é unha evidencia que non teñen un carácter de esencial nin de primeira necesidade”, conclúe Prado.
As actividades desenvólvense durante esta fin de semana na capela e a área recreativa do alto da Grela, que acollen os actos litúrxicos e a romaría respectivamente, con animación musical, verbena e un espectáculo infantil entre outras propostas.
Os Bombeiros de Vilalba excarceraron ao condutor ferido que quedou atrapado no interior do vehículo. O 112 Galicia tivo constancia do accidente ás 16:20 horas desta tarde. Un particular informaba a esa hora dun coche envorcado na LU-P 6501, quilómetro 40 en Rioaveso, ao seu paso por Cospeito (Lugo). Indicaba que no interior do vehículo había unha persoa ferida, consciente pero que non podía saír. Con estes datos, os xestores do 112 pasaron aviso ao Servizo de Urxencias Sanitarias de Galicia-061, aos Bombeiros de Vilalba, á Garda Civil de Tráfico e ao persoal de mantemento da vía.Unha vez no punto, os Bombeiros confirmaron a excarceración do ferido para posteriormente ser trasladado polo persoal do Servizo de Urxencias Sanitarias de Galicia-061.
Trátasde dun grupo coñecido pola súa posta en escena humorística e teatral, que combina música tradicional con estética de taberna e espírito festivo. O evento celebrarase o 22 de maio ás 23:00 horas na Rúa do Cobo nº 18, cun prezo de entrada de 5 euros. As persoas asistentes están convidadas a traer instrumentos para sumarse á foliada. A actividade conta con presenza en Facebook, Instagram e TikTok, onde se pode seguir a programación e novidades do espazo.
Será o sábado 23 de maio, nas Letras no Campo, Feira do libro ribadense, nun acto no que estará acompañado de Suso Fernández Acevedo.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
