Xove, 12 de marzo de 2021. A Xunta, na súa aposta polo desenvolvemento sostible, solicitará á Secretaría de Estado de Turismo que teña en conta o Plan de Sustentabilidade Turística para a Mariña lucense na convocatoria dos Plans de Sostenibilidade Turística en Destino do presente ano. A Xunta incluirá o proxecto na nova convocatoria se así o solicita a Mancomunidade de concellos da Mariña lucense.
Nunha visita do vicepresidente primeiro a Xove, onde Turismo de Galicia investiu 30.000 euros na liña de mellora das infraestruturas turísticas no medio rural, Alfonso Rueda recordou que tanto o plan da Mariña lucense como Ourense Termal foron os que obtiveron maior puntuación da Xunta de Galicia de entre os que non foron seleccionados polo Ministerio de Turismo na convocatoria do ano pasado. Pero tendo en conta a súa importancia para os mariñáns e que a propia Secretaría de Estado de Turismo manifestou o seu interese en apoialos, a Xunta solicitará de novo a súa aprobación, agardando que esta vez si sexan seleccionados.
O plan ten en conta a importancia do potencial turístico da Mariña lucense e aposta pola súa transformación cun modelo máis competitivo, innovador e participativo. O obxectivo é reforzar a confianza do viaxeiro e fomentar a comarca como destino seguro tras o impacto da crise do coronavirus. O proxecto xustifícase na necesidade de poñer en valor os recursos das áreas rurais con potencial turístico e de atraer aos visitantes a un espazo que conta con todos os atractivos para a recuperación do sector logo da pandemia.
O Plan de sustentabilidade turística para a Mariña lucense conta cun investimento da Xunta de 1,3 millóns de euros para os vindeiros tres anos, que representa o 45% do orzamento total. O proxecto estaba incluído na proposta remitida ao Ministerio de Turismo o ano pasado, e atopábase entre os catro con mellor puntuación, xunto con Ourense Termal e os dous aprobados polo Goberno central, que foron os de Santiago de Compostela e o da Ribeira Sacra.
Alfonso Rueda anunciou que a Xunta presentará de novo o plan nunha visita a Xove, onde a Xunta investiu 30.000 euros nunha nova área para autocaravanas, aparcamento e zonas verdes. Froito dun convenio entre o Concello de Xove e a Axencia Turismo de Galicia, este novo servizo creouse nunha parcela de algo máis de 6.000 metros cadrados na praia de Esteiro.
Rueda afirma en Xove que a Xunta pedirá ao estado a aprobación do plan de sustentabilidade turística para a Mariña se o solicita a Mancomunidade
Relacionado
-
O luns ábrese o prazo para adquirir 41 parcelas no Polígono Industrial da Rega de Ortigueira con maiores facilidades de pago
-
O BNG de Viveiro denuncia o sectarismo do goberno local na presentación das obras da Xunqueira e do río Fontecova
-
A Presidenta logra que a Xunta se abra a reformular as obrigas dos Concellos e das Deputacións que recolle o ALALG
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
