Lourenzá, 29 de setembro de 2022. Mañá, venres, comezan as actividades da trixésima edición da Festa da Faba de Lourenzá, declarada de Interese Turístico Galego. Os actos desenvolveranse ata o domingo, 2 de outubro.
A alcaldesa, Rocío López, anuncia que “os actos arrancan o venres ás 19:30 horas cun espectáculo de maxia de Cayetano Lledó no Claustro do Mosteiro. A continuación terá lugar a tradicional cata de viños, este ano a cargo da adega Fanrelo, da Denominación de Orixe Monterrei; e para acompañar haberá unha degustación de tapas con fabas preparadas pola Asociación Provincial de Cociñeiros de Lugo. O toque musical virá da man do grupo Diavolinos”.
A rexedora engade que “o sábado a tarde haberá unha actuación do grupo de música tradicional Osorio Gutiérrez, seguido dun concerto do grupo Airiños da Freba. A orquestra Principal será a encargada de poñer o toque musical na sesión vermú e na verbena do sábado, no Campo dos Bolos. Temos unha edición da Festa da Faba con moita música e moito baile, que continuará na xornada do domingo cunha actuación das rondallas Trovadores de Ares e Mugardesa; e xa pola tarde coa actuación da Banda de Música de Lourenzá, seguida do recital poético musical Rosas Negras, de Marina Oural e Chefa Alonso. A clausura desta XXX edición virá da man de Queiman e Pousa co seu espectáculo Un verso, un cantar. Non faltarán tampouco os pasarrúas a cargo do cuarteto Catro Canos e as charangas Mekánica e Louband. E os tres días da festa teremos tamén música para a xuventude coa actuación de varios DJ no Campo dos Bolos, coa colaboración da asociación Conde Santo”.
Rocío López explica ademais que “haberá a tradicional degustación e venda de fabas, produtos de artesanía, concentración de vespas e vehículos clásicos, exposición de automoción e vehículos agrícolas, obradoiros, … Todo iso e moito máis poderano desfrutar os visitantes que se acerquen aquí, a Lourenzá. E, tratándose da festa gastronómica da nosa leguminosa, algo que non pode faltar son as distintas receitas elaboradas con fabas e que se poderán degustar en tapas nos locais de hostalería da zona ó longo de toda a fin de semana”.
A alcaldesa destaca tamén que “o pregón, que terá lugar o sábado ás 12 do mediodía virá da man dunha muller: é Marina Oural, unha laurentina de pura cepa, cunha longa traxectoria no mundo artístico e cun profundo agarimo e sentimento pola súa terra”.
Rocío López engade que “non faltará tampouco a programación deportiva para esta fin de semana coa gran coñecida carreira do Val das Fabas. Haberá tamén xogos tradicionais para todos os públicos da man de Xotramu, que serán os encargados de poñer o toque de diversión. Ademais contaremos con varios membros da Asociación de Cociñeiros de Lugo, que nos teñen preparado un showcooking para as xornadas do sábado e do domingo. Tamén volveremos ter o tren turístico, que fará un percorrido atravesando as distintas parroquias que forman o Val de Lourenzá. Nese paseo os turistas poderán ver as terras nas que se cultiva a faba e recibirán explicacións de todo o proceso produtivo desta leguminosa. Para nós isto é algo moi importante xa que nos permite dar a coñecer ao visitante a riqueza paisaxística e o patrimonio arquitectónico que temos neste concello”.
A rexedora explica tamén que “este domingo, 2 de outubro, celebrarase o primeiro mercado de venda de fabas ao por maior desta tempada. As expectativas son boas pois a pesares de que se espera menos produción que o ano pasado, por mor das desfavorables condicións meteorolóxicas, a calidade da faba vai ser moi boa”.
Para rematar a alcaldesa de Lourenzá anima “a todos os veciños e xentes da Mariña e doutras comarcas e lugares a facer un oco na súa axenda e vir desfrutar das actividades que temos preparadas nesta trixésima edición da Festa da Faba de Lourenzá. Estou segura de que van marchar cun bo sabor de boca e cun fermoso e grato recordo dos recunchos e marabillas que esconde este pequeno pobo da Mariña lucense”.
Concentración de vehículos clásicos
As actividades da concentración de vehículos clásicos empezarán o sábado cunha exposición de scooters e motos clásicas desde as 10 da mañá na rúa, “onde haberá probas de habilidade, carreiras de lentos e máis sorpresas sobre dúas rodas, como a presentación do invento Vespa-bici. Tamén teremos uns pinchos a media mañá e a saída de ruta está prevista para as 13.30 horas. O xantar será en Lourenzá ás 14.30 e despois celebrarase a entrega de premios e sorteos. Haberá tempo tamén para unha charla coloquio cos aventureiros da Lourenzá – Nordkapp, Jorge Aguirre e Cefe Martínez, que nos contarán e proxectarán moitas aventuras e anécdotas da viaxe”, explican os organizadores. Tamén anuncian que o domingo “terá lugar a exposición de vehículos dende as 10.00 horas, na que se espera a participación de coches espectaculares chegados de diferentes puntos de Galicia, Asturias e León. Segundo van as inscricións prevese que haberá preto dun centenar de vehículos. Ás 13.30 horas será a saída da ruta para xantar ás 14.30 horas e posteriormente regresar a Lourenzá para a entrega de premios e os sorteos”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
