A Deputación completa a formación do Pacto polo Emprego cun obradoiro que fomenta o emprendemento como saída laboral
– Trátase da acción Emprendedurismo colaborativo que, unha vez rematada a fase de prácticas do Pacto, ofrece ós beneficiarios que o desexen 100 horas de formación en cuestións básicas de xestión dun negocio e dos trámites necesarios para inicialo
– É un paso máis na aposta pola cultura emprendedora da institución presidida por Gómez Besteiro, que leva concedidas nos últimos 4 anos axudas por valor de 1,8 millóns de euros, das que se beneficiaron máis de 1.400 firmas, autónomos e asociacións profesionais
A Deputación pon en marcha mañá o curso Emprendedurismo colaborativo, unha acción formativa complementaria dirixida a todos os beneficiarios do proxecto Pacto Provincial polo Emprego que desexen completar a súa formación con esta acción enfocada a promover o desenvolvemento de iniciativas emprendedoras. O curso, que se desenvolverá ata o vindeiro 23 de novembro, conta cun total de 25 prazas e consta dunha carga lectiva de 100 horas.
A segunda fase do Pacto polo Emprego, que ofreceu 22 accións formativas de 13 temáticas diferentes, foi posto en marcha polo organismo provincial co obxectivo de formar a 340 parados da provincia e facilitar a súa inserción laboral nas profesións de maior potencial de desenvolvemento e que mellor están a resistir a crise, como son a atención sociosanitaria e a dependentes, o medio ambiente e as tecnoloxías da información e a comunicación. Unha formación gratuíta e remunerada, xa que durante todo o período formativo –teórico e práctico- os alumnos recibiron unha axuda de aproximadamente 400 euros, compatible coa prestación por desemprego ou con outras axudas públicas con esta mesma finalidade.
Unha vez rematada a fase de prácticas nas empresas, os participantes teñen a oportunidade de completar a súa formación accedendo a este curso, que ten o obxectivo de capacitalos e apoialos para que inicien unha actividade por conta propia ou en colaboración con outros participantes no Pacto, formándoos en cuestións básicas de xestión dun negocio, como a elaboración dun plan de márketing, así como dos trámites necesarios para poñer en marcha un negocio. Ó mesmo tempo, tamén se fomenta o desenvolvemento de redes empresariais na provincia de Lugo.
Apoio ós emprendedores
Esta aposta polo emprendemento é un paso máis na liña de apoio da Deputación de Lugo pola pequena e mediana empresa que, tal e como destacou en pasadas datas o máximo responsable provincial, José Ramón Gómez Besteiro, “os empresarios e autónomos son a verdadeira columna vertebral da economía do país”
Ademais de ofrecer formación enfocada a fomentar a cultura emprendedora, a institución provincial leva postas en marcha diferentes iniciativas de apoio ós empredendores. A máis recente delas é o Plan de Dinamización de Uso das TIC nas PEMES, que potencia o uso das novas tecnoloxías nas PEMES para que sexan máis competitivas, melloren a súa produtividade, reduzan custes e xeren emprego. De xeito totalmente gratuíto fará auditorías ás empresas para avaliar cal é o seu grao de incorporación ás novas tecnoloxías e determinará as melloras que máis lle conveñen para impulsar a súa actividade ou incluso abrir novas oportunidades de negocio, ó tempo que ofrece ós empresarios asesoramento técnico personalizado, tamén a custe cero, tanto para elixir as mellores e máis convenientes ferramentas tecnolóxicas, como durante o proceso de incorporación das mesmas
En total, a entidade que preside Gómez Besteiro leva concedidos nos últimos catro anos 1,8 millóns de euros en axudas para consolidar a actividade das empresas da provincia, das que se beneficiaron xa máis de 1.400 firmas, autónomos e asociacións profesionais.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
