O acto que se desenvolverá o venres 12 de abril no Cine Teatro contará coa asistencia do presidente da Plataforma de Afectados do Rosal, o concelleiro de Consumo e o alcalde de Ribadeo.
Ribadeo, 9 de abril de 2013. O Concello organiza unha charla A estafa das preferentes e subordinadas, que terá lugar o vindeiro venres, 12 de abril, ás 20:30 horas no Cine Teatro. Ao acto asistirá Xulio Vicente, portavoz da plataforma de afectados polas preferentes do Rosal na provincia de Pontevedra. Neste 2013, segundo os datos facilitados esta mañá polo alcalde, Fernando Suárez, 83 afectados da zona acudiron a presentar reclamacións á oficina de consumo de Ribadeo, das que preto de 60 se plantexaron estes días, tras o envío de cartas por parte de NovaGalicia Banco advertindo das quitas para os titulares de participacións preferentes e de obligacións subordinadas.
Suárez Barcia explicou que “á vista desta situación de fonda preocupación que se está a dar en Ribadeo cos afectados polas participación preferentes e subordinadas e vendo o incremento no número de denuncias que se están a presentar na oficina de consumo de Ribadeo desde o Concellaría de Consumo convocamos unha charla informativa e aberta baixo o título A estafa das preferentes e subordinadas”. O acto terá lugar o vindeiro venres, 12 de abril, ás 20:30 horas no Cine Teatro. Nel intervirán o alcalde, Fernando Suárez, o concelleiro de Consumo, Horacio Cupeiro, e o portavoz da plataforma de afectados polas preferentes do Rosal (Pontevedra) Xulio Vicente.
O rexedor subliñou que “dita plafaforma do Rosal ten unha actividade importante nestes últimos días pedindo solucións xustas ao que é unha estafa, un engano e unha fraude masiva. Hai que ter en conta que aquí na oficina de consumo de Ribadeo no que vai deste 2013 se presentaron 83 reclamacións, a maior parte, unhas 60, producíronse estes últimos días despois de que a moitos dos afectados lles chegaran cartas do seu banco, da súa caixa á casa indicando que o que tiñan era unha subordinada e onde lles indican tamén a quita que lles van impoñer. Para dar máis información sobre este asunto é polo que convocamos este acto público e aberto que organizamos para o vindeiro venres, 12 de abril”.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
