“O Burela FS é o meu club, é a miña casa, o equipo que me deu todo” recoñecía a ala-pivote Claudia Rodríguez Teijeiro, inmersa xa na preparación para a que se converterá na súa sétima tempada na súa terra. O presidente, Manuel Blanco, e a directiva Alba Vila arrouparon a xogadora focega na súa renovación oficial, aplaudindo a súa continuidade. “É unha xogadora da casa, unha garantía para o bloque, con compromiso e gran pase entre as súas virtudes” coincidiron en sinalar os dirixentes laranxas.
A cidade das Burgas recibirá este sábado ó Burela FS Pescados Rubén no segundo amigable de pretempada, fronte ao Ourense Envialia (Os Remedios, 17.00 horas): “Imos con moitas ganas de facelo ben, sobre todo de emendar os erros cometidos en Poio e a partir de aí aprender e seguir medrando”, adiantaba a ala-pivote mariñá, que xa ten marcado no calendario con letras vermellas, coma o resto das súas compañeiras, o 6 de setembro: “O primeiro obxectivo é a Supercopa. O grupo está traballando ben e funcionando, con adestramentos intensos e imos coñecéndonos pouco a pouco”.
As sensacións son inmellorables. “Temos un cadro para pelexar por todo. Partimos dun bo bloque, no que cubrimos a carencia de tiro do ano pasado” analizaba Claudia, destacando o bo inicio de pretempada nun vestiario que xa coñece ben: “Algo que temos a favor é que xa coñecemos como traballa o corpo técnico; partimos de cero coma todos os anos, pero este equipo a nivel de xogo xa se coñece; podemos chegar a facer grandes cousas esta tempada” puntualizaba con ilusión a 5 burelista, con afán de superación: “Quero contribuír co equipo o máximo que poida e dar un plus máis que a tempada pasada. Quero conseguilo todo, son a que falta por conseguilo”, facía así referencia Claudia ao ano do histórico dobrete do Burela, tempada na que a xogadora estivo no Valladolid FSF.
A Fonsagrada
Para os xogadores de Daniel Ibañes mañá tamén será o segundo amigable preparatorio, medíndose ao Noia FS na Fonsagrada (18.30 horas).
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Será o sábado 9 de maio ás 20 horas na Casa da Cultura. Homenaxeado: Xesús do Breogán, pola súa contribución á cultura e ao concello. Organiza: Son’s Varadero Foz. Colabora: Concello de Foz
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
