Nota de Prensa
Veiga achégalle o apoio do BNG a Folga a Xunta de Persoal do Hospital e indica que o paro do 29 é unha xornada en defensa dos servizos públicos.
O BNG denuncia que o PP está a aplicar unha morte lenta a sanidade na Mariña.
A Permanente da Xunta de Persoal do Hospital da Costa e o Bloque Nacionalista Galego mantiveron hoxe mércores unha xuntanza en Burela onde analizaron a problemática sanitaria da Comarca e a política de desmantelamento da sanidade na Costa que está a levar adiante o Goberno da Xunta de Galiza. Ao remate da reunión o Portavoz Comarcal do BNG, Antonio Veiga denunciou que “o Partido Popular está a aplicar unha morte lenta e doorosa á sanidade na Mariña, xa non incumprindo as propostas que cando eran oposición formularon para o centro senón que mesmamente están a paralizar cuestións centrais como o Plano Estratéxico do Hospital ou o Plano Mellora na atención primaria”. Veiga continou afirmando que “ aquí non só estamos a defender que o Hospital da Costa non pase a ser unha sucursal de Lugo senón que se execute o Plano Director do Hospital e que se dote ao mesmo de medios dos que carece e que curiosamente o PP demandou con insistencia na etapa anterior.É lamentábel que o PP se sitúe enfronte dos veciños da mariña opoñéndose a cousas tan necesarias como o que Hospital conte con máis medios e con novas especialidades”.
Os representantes da Xunta de Persoal do Hospital e os do BNG observan con particular preocupación a política sanitaria da Xunta de Galiza, na medida que se sustenta nunha redución dos fondos destinados a sanidade pública e que propón un novo modelo de organización do sistema sanitario que pretende centralizar servizos nas grandes cidades. Esta orientación está a provocar xa unha importante merma na calidade asistencial e está a poñer en risco o sistema sanitario público no conxunto da comarca, en vías de desmantelamento e ao borde dun autentico colapso. Neste sentido analizaron a próxima implantación dun novo modelo organizativo que implica a centralización dos servizos hospitalarios na cidade de Lugo e xa que logo a perda de servizos e especialidades no Hospital da Costa así como desprazamentos constantes da poboación da Mariña ao Hospital de Lugo para realizar probas e consultas que ate agora realizaban no Hospital de Burela. Na mesma liña Veiga denunciou que “a redución do gasto sanitario nas contas públicas provocou que o “Plano Estratéxico do Hospital da Costa” xa aprobado, se quedase sen dotación orzamentaria neste ano, o que imposibilita a ampliación do Hospital da Costa, impide a ampliación do seu catalogo de servizos e prestacións e reduce os seus medios materiais e humanos”.
O BNG mostrouse tamén moi crítico coa paralización por parte da Consellaría de Sanidade do denominado “Plano Mellora” co que se pretendía aumentar os recursos dos médicos de familia así como delegar neles determinadas funcións que desenvolvían os especialistas.” Agás no caso da receita electrónica que se está a introducir con grande lentitude, no caso da Mariña os aspectos que se recollían neste plano seguen sen facerse realidade” afirmou Veiga que continuou denunciando que “tanto é así que a paralización de determinadas obras de infraestrutura deixou sen servizo de fisioterapia a algún centro de saúde , ou as probas de citoloxía seguen sen realizarse na primaria, ou o servizo de retinografía carece de medios para poder aplicarse”. Agora ben o caso máis sangrante, na opinión dos nacionalistas, dáse no incumprimento en materia de persoal sanitario ata o punto non se cumpre na maioría dos Concellos da Área Sanitaria que cada ATS se corresponda cun médico ou que en varios Concellos algúns médicos vense obrigados a atender a máis de das 1250 cartillas.
O Responsábel Comarcal do BNG aproveitou a reunión para achegar a Xunta de Persoal do Hospital o apoio dos nacionalistas a Folga Xeral do 29 de Novembro.”Hai que parar as políticas de dereita que están aplicar o PP e o PSOE. O 29 de setembro debe ser unha grande xornada de protesta en defensa dos servizos públicos, na que a maiores de demandar emprego e dereitos para os traballadores, temos que dicirlle ao Goberno da Xunta que non imos tolerar máis recortes en materia social” recalcou Veiga quen “incidiu que a Folga vai con toda a poboación, asalariados e desempregados, mozos e vellos, porque o que está en xogo é que a comarca da Mariña e Galiza siga a manter os piares do estado de benestar”.
Os Bombeiros de Vilalba excarceraron ao condutor ferido que quedou atrapado no interior do vehículo. O 112 Galicia tivo constancia do accidente ás 16:20 horas desta tarde. Un particular informaba a esa hora dun coche envorcado na LU-P 6501, quilómetro 40 en Rioaveso, ao seu paso por Cospeito (Lugo). Indicaba que no interior do vehículo había unha persoa ferida, consciente pero que non podía saír. Con estes datos, os xestores do 112 pasaron aviso ao Servizo de Urxencias Sanitarias de Galicia-061, aos Bombeiros de Vilalba, á Garda Civil de Tráfico e ao persoal de mantemento da vía.Unha vez no punto, os Bombeiros confirmaron a excarceración do ferido para posteriormente ser trasladado polo persoal do Servizo de Urxencias Sanitarias de Galicia-061.
Trátasde dun grupo coñecido pola súa posta en escena humorística e teatral, que combina música tradicional con estética de taberna e espírito festivo. O evento celebrarase o 22 de maio ás 23:00 horas na Rúa do Cobo nº 18, cun prezo de entrada de 5 euros. As persoas asistentes están convidadas a traer instrumentos para sumarse á foliada. A actividade conta con presenza en Facebook, Instagram e TikTok, onde se pode seguir a programación e novidades do espazo.
Será o sábado 23 de maio, nas Letras no Campo, Feira do libro ribadense, nun acto no que estará acompañado de Suso Fernández Acevedo.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
