Nota de prensa:
O CONCELLO DE RIBADEO CONTARÁ CON PERFÍS INSTITUCIONAIS NAS PRINCIPAIS REDES SOCIAIS. ALÉN DAS CONTAS XENÉRICAS DO CONCELLO TAMÉN TERÁN ESPAZOS OS DEPARTAMENTOS DE IGUALDADE, CULTURA, MOCIDADE, DEPORTES E DESENVOLVEMENTO LOCAL. O PROCESO COMPLETARASE COA ACTUALIZACIÓN E DINAMIZACIÓN DA WEB MUNICIPAL.
Ribadeo, 11 de febreiro 2012. “Abrir novas canles de comunicación coa cidadanía a través da rede e achegar a administración á comunidade co fin de poder ofrecer respostas máis rápidas e eficaces ás súas demandas”. Este é, en palabras do edil responsable de Mocidade e Sociedade da Información, Xavier Campos, o obxectivo que persegue o Concello de Ribadeo coa apertura dunha serie de perfís “institucionais” en diferentes redes sociais.
O Concello de Ribadeo contará cun espazo xenérico en Facebook (baixo o nick Concello de Ribadeo), Twitter (@ConcelloRibadeo), Youtube (Concello de Ribadeo) e Flickr (Concello de Ribadeo) que se suma aos perfís das delegacións de Igualdade (@RibadeoMuller en Twitter e Ribadeo Muller en Facebook), Deportes (Deportes Ribadeo en Facebook), Cultura (Cultura Ribadeo en Facebook), Axencia de Desenvolvemento Local (ADL Ribadeo en Facebook) e Mocidade (@MocidadeRibadeo en Twitter e Mocidade Ribadeo en Facebook). Os diferentes perfís estarán activos ao longo desta fin de semana e funcionarán a “pleno rendemento e ao dispor das veciñas e veciños de Ribadeo a partires do luns 13 de febreiro”.
“Nun momento no que a cidadanía reclama sentirse escoitada, tamén a través das redes sociais, o Concello de Ribadeo, como administración máis próxima a ela, ten que estar presente na internet e facer desta unha ferramenta máis de traballo no día a día”, apunta Xavier Campos. Os perfís nas redes sociais do Concello de Ribadeo nacen baixo tres principios básicos, “compartir información, escoitar demandas, propostas ou suxerencias e conversar, dando resposta ás cuestións que se formulan”.
Outra das vantaxes da presenza activa na rede á que alude Xavier Campos é a proximidade. “No medio prazo veremos como moitas dúbidas, demandas de información ou incluso trámites se poden solucionar cun só click, sen necesidade de achegarse ás dependencias municipais facendo máis cómoda e efectiva a relación entre administración e cidadanía”. Todo elo, sinala o responsable de Mocidade e Sociedade da Información do Concello ribadense, “sen que a calidade do servizo público que se ofrece “se vexa mermada”.
Alén da creación dos perfís nas redes sociais tamén se vai poñer en marcha nos vindeiros días un proceso de dinamización e actualización da páxina web do Concello de Ribadeo co fin de “facela máis útil e atractiva para a cidadanía”. Así mesmo, tamén se crearán espazos específicos de comunicación na rede (weblogs) de diferentes áreas do Concello, caso de Mocidade ou Cultura, que se van unir ao xa existente RibadeoMuller.
Será o sábado 23 de maio, nas Letras no Campo, Feira do libro ribadense, nun acto no que estará acompañado de Suso Fernández Acevedo.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Celebrarase o venres 29 de maio ás 17:00 h e será gratuíta. Abordará o papel dos poliquetos no ecosistema mariño, as súas características e os riscos do uso de especies exóticas, con proxeccións e maquetas de varias especies empregadas como cebo. Impartiraa o grupo BIOCOST da Universidade da Coruña e está organizada por Posta de Encontro xunto con RedeMar, Xunta de Galicia, Federación Galega de Confrarías e a UDC. Reservas: WhatsApp no 634 97 08 86; 982 13 19 23; buenas@capturaspesca.com ou directamente na tenda Capturas Pesca, onde se celebrará o evento (Av. Leopoldo Calvo Sotelo 49, Ribadeo).
