BURELA .- O sábado, 5 de xuño, Banda do Norte ofrecerá un concerto na praza do Concello e, o mesmo día a Banda de Música Municipal de Burela participará na procesión das festas.
Nota de Prensa
O próximo sábado, 5 de xuño, varias bandas de música participarán nas actividades programadas con motivo das festas populares deste ano.
Para comezar, ás 18:00 horas terá lugar na praza do Concello, un concerto a cargo da Banda do Norte, formación musical integrada por bandas do norte galego, entre as que se encontran as bandas de Cedeira, Ortigueira, Guitiriz, Guntín e Burela. O repertorio consistirá en pezas de distintos estilos que van desde obras de tipo sinfónico a arranxos de bandas sonoras e músicas modernas, pasando por pezas tradicionais como pasodebres, xotas e muiñeiras.
Xa ás 21:30 horas, a Banda de Música Municipal de Burela participará na procesión de baixada da Imaxe ao Porto, organizada pola SCR Ledicia.
Máis información sobre a Banda do Norte:
Despois dun primeiro encontro que tiña lugar no marco do II Congreso Internacional de Bandas de Ortigueira do pasado ano, no que participaban rapaces e rapazas de distintas bandas do norte galego, a Banda do Norte reúnese de novo para dar unha serie de concertos nas localidades das bandas que actualmente integran a Federación de Bandas do Norte.
O primeiro destes concertos terá lugar o próximo sábado, 5 de xuño, ás 18:00 horas na Praza do Concello de Burela, no marco das festas patronais que se celebran nesta vila durante o fin de semana. O repertorio consistirá en pezas de distintos estilos que van desde obras de tipo sinfónico a arranxos de bandas sonoras e músicas modernas, pasando por pezas tradicionais como pasodobres, xotas e muiñeiras. Nesta ocasión, a Banda do Norte estará dirixida polo director da Banda de Burela, Roberto Bouça.
A Banda do Norte non constitúe un fin en si mesma, senón que é unha mais das distintas actividades que teñen programadas desde a recén creada Federación de Bandas do Norte, que busca desenvolver un proxecto pedagóxico común para mellorar e dar maior estabilidade ás bandas do norte, que a día de hoxe aínda teñen unha posición periférica con respecto ao epicentro bandístico galego.
Deste xeito, desde a Fedarición darase prioridade a cursos de formación instrumental, intercambios, concertos conxuntos… e outras actividades encamiñadas a mellorar a formación musical, a fomentar o traballo participativo e a potenciar o interese dos rapaces e rapazas que integran as bandas do norte galego.
Os próximos concertos da Banda do Norte serán o 26 de xuño en Guitiriz, o 3 de xullo en Guntín, o 28 de xullo en Ortigueira e o 6 de outubro en Cedeira, e serán dirixidos polos directores das respectivas bandas.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
