De Carmiña a Dona Carme IG – 1
Burela, 25 de febreiro de 2025. O Concello de Burela organiza este venres 28 de febreiro, ás 19:00 horas, no Salón de Plenos, a presentación do artigo “De Carmiña a Dona Carme”. Unha peza elaborada pola cronista oficial de Burela, Herminia Pernas Oroza, para a revista galega do ensino, Eduga.
O texto recolle a traxectoria de Dona Carme Iravedra Otero, figura clave no desenvolvemento educativo e social da vila no século XX.
No acto estarán presentes a alcaldesa de Burela, Carmela López; o concelleiro de Educación e tenente de alcaldesa, Mario Pillado; a autora do artigo, Herminia Pernas Oroza; a filla da homenaxeada, Águeda Barcia Iravedra, Juan A. Granados Loureda, inspector de educación e director da revista Eduga e Rira Gradaille Pernas, Doutora en Ciencias da Educación pola USC.
Este evento pecha así os actos conmemorativos do Centenario das Escolas Vellas, que se viñeron celebrando nos últimos meses en Burela. Como parte da clausura, descubrirase un panel conmemorativo, en homenaxe ás persoas que fixeron posible a súa creación.
A alcaldesa Carmela López destacou que “este centenario foi unha oportunidade para recoñecer e celebrar a nosa rica herdanza educativa”. “Queremos darlles as grazas a todas as entidades e persoas que participaron nos actos conmemorativos, enriquecendo a nosa comunidade coa súa dedicación e esforzo”, engadiu.
Pola súa banda, o tenente da alcaldesa, Mario Pillado, asegurou que “dende as áreas de Inmigración e Educación é un orgullo clausurar o centenario desta maneira, cunha homenaxe, por un lado, a tódalas persoas migrantes que contribuíron e contribúen ó desenvolvemento tanto nas sociedades de orixe como de acollida, caso da creación das Escolas Vellas, como por outro lado a unha persoa que foi fundamental no ámbito do ensino na vila de Burela durante o século XX”.
Ademais, Pillado agradeceu a Herminia Pernas “polo seu continuo traballo e en concreto, a redacción deste artigo, así coma ó director da revista Eduga por darlle cabida e como non a Águeda Barcia por continuar o legado da súa nai, Dona Carme”, concluíu.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
