Mondoñedo, 13 de abril de 2013- Novas Xeracións de Mondoñedo e o PP local referíronse hoxe á mesa de traballo sobre o sector turístico como “un encontro práctico” que ten por obxectivo o establecemento de contactos con persoas experimentadas no turismo; así como a concreción das liñas de actuacións que permitan darlle pulo a este sector na localidade.
Neste senso, os mozos de Novas Xeracións, organizadores do foro en colaboración co PP local, presentaron hoxe o programa do encontro, que baixo o lema de Mesa de Traballo: Estratexias para o Turismo, reunirá o próximo 27 de abril en Mondoñedo a expertos tanto da administración, como de entes privados e propulsores de iniciativas na área turística, que supoñen un reclamo para o sector.
Este foro local sobre o turismo que acollerá a Casa da Xuventude local dividirase en dúas mesas de debate nas que segundo afirma o presidente de Novas Xeracións de Mondoñedo, Alberto García, permitirán compartir estratexias turísticas que sexan adaptables ao municipio e que logo se lle farán chegar ao Partido Popular.
Entre os ponentes da primeira mesa, que versará sobre as Estratexias para un Turismo de Interior, Patrimonio-Cultural e de Calidade, destacan o presidente do Consorcio de Turismo da Ribeira Sacra, Carlos Armesto Quiroga, xunto coa xerente do mesmo ente, Alessandra Seara Sobrina; cursando así unha das peticións do sector local.
Asemade, tamén intervirá nesta primeira mesa a xefa da Área Provincial dependente da Axencia de Turismo de Galicia, Paloma Vázquez Fernández. Desta forma, o programa completase coas aportacións de varios empresarios locais que compartirán as súas experiencias sobre o “Turismo en Mondoñedo”, así como da responsable da axencia de viaxes lucense Viajes Mundo Galaico, Susana Conde
Un traballo a prol do fomento turístico local
O presidente local de Novas Xeracións do PP, Alberto García, asegurou que esta actividade tamén pretende “sensibilizar sobre a importancia do turismo en Mondoñedo”, un sector ao que o popular cualifica de “pouco aproveitado”.
Deste xeito, “nesta xornada intentaremos establecer sinerxías de xeito que sexa de proveito a todo aquel que queira asistir”, explicou Alberto García, quen asegurou que “dende Novas Xeracións seguimos na liña de diversificar os nosos actos, sempre vencellados a Mondoñedo”.
O presidente da agrupación político xuvenil local explicou que esta non é a primeira actividade que desenvolve a agrupación de Novas Xeracións relacionada co turismo, así referiu á enquisa a turistas realizada pola NN.XX. sobre o Mercado Medieval.
Os populares pregúntanse se ao alcalde lle molesta que o PP traballe
O Partido Popular de Mondoñedo lamenta as declaracións vertidas en prensa polo rexedor nacionalista, Orlando González, nas que segundo explican dende o PP, “parece molestarlle que o noso partido traballe polo sector e que articule unha mesa de traballo que permita levar propostas reais á da comisión”.
Dende o PP, aseguran que Orlando González debería agradecer esta colaboración ao tempo que explican que “ninguén busca enfrontamentos políticos”. “Só queremos traballar, para o que cursamos as peticións do sector”, puntualizan os populares.
Os populares non entenden como o nacionalista pode chegar a criticar un traballo “antes de coñecelo, salvo que lle moleste que se traballe”, así lembran que o alcalde de Mondoñedo se ausentou en vacacións, non estando presente nun dos eventos turísticos de maior importancia para a localidade, como é a Semana Santa.
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
