Mondoñedo, 21 de agosto de 2015.- A alcaldesa de Mondoñedo, Elena Candia, agradece os máis de 80.000 euros que a Xunta de Galicia destina ás obras de desbroce e acondicionamento dos camiños da primeira fase da concentración parcelaria de Sasdónigas. Ademais desta achega, o Goberno galego xa contempla novas intervencións na zona.
En concreto, a alcaldesa, Elena Candia, explica que os traballos, que deron comezo este venres, se prolongarán durante tres meses. “Eran camiños que se atopaban completamente intransitables, polo que nos parece unha actuación moi necesaria para o noso Concello”, explica. Lembra tamén que o remate da concentración de Sasdónigas foi un compromiso do seu goberno.
A empresa pública Seaga será a encargada de acometer as obras, logo do correspondente proceso de contratación. O investimento destinarase a labores de desbroce e limpeza dos camiños.
A rexedora subliña o impulso que o Goberno galego e, particularmente o presidente da Xunta, Alberto Núñez Feijóo, “lle deu ás concentracións parcelarias de Mondoñedo” ao tempo que lembra que foi a administración autonómica en mans do PP a que desbloqueou o proceso de concentración de Sasdónigas. “Foi a Xunta quen deu os pasos definitivos para que a concentración parcelaria sexa unha realidade, de xeito que os propietarios das parcelas xa puideron tomar posesión provisoria dos predios de substitución”, explica Candia.
O equipo de Goberno de Mondoñedo gábase ademais das actuacións que impulsaron a concentración parcelaria de Mondoñedo norte, onde o Goberno galego executou os camiños secundarios.
A alcaldesa, acompañada de parte do seu equipo de Goberno, manterá esta mesma tarde unha reunión na parroquia á que pertence a concentración parcelaria de Sasdónigas para informar aos veciños e veciñas do investimento que está a realizar a Xunta.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
