Burela, 31 de agosto de 2018. O concelleiro de Turismo, Ramiro Fernández Rey, fai un balance moi positivo da acollida que tivo a Ruta da Lonxa, pola que pasaron máis de 1.100 persoas desde o pasado 16 de xullo e ata o día de hoxe, que é cando rematan.
As persoas que realizaron onte, xoves, a visita á lonxa puideron asistir á poxa en directo, e ver peixes como douradas de 4 quilos, robalizas de 5´7 quilos, raias de 10 quilos, rapes brancos de 13 quilos, congros de 19 quilos ou rodaballos de 6´6 quilos. Moitas persoas mostráronse sorprendidas pola grande variedade e cantidade de peixe que onte á tarde había na lonxa burelesa e polos tamaños dalgúns exemplares.
O edil de Turismo en Burela dixo: “o balance das visitas organizadas á lonxa non pode ser máis que moi positivo. Cubrimos todas as visitas ao 100%, incluso algún día permitimos que viñera algunha persoa máis do cupo de trinta que tíñamos. Normalmente viñan trinta e cinco persoas, e desde o 16 de xullo, que empezamos con esta iniciativa, ata o 31 de agosto tivemos o 100%, co cal o balance evidentemente é positivo”.
Ramiro Fernández Rey quixo “agradecer a ABSA a súa disposición a levar a cabo esta enorme iniciativa turística en Burela, que eu penso que vai ser bo tanto para ABSA como para o Concello e os datos así o demostran”.
O concelleiro burelés subliñou que “ademais dos visitantes que viñeron de fora houbo moitísima xente de toda a Mariña que pediu cita para poder facer esta visita, moita xente do pobo que non tivo nunca esa curiosidade de facer esta visita, estivo facéndoa e para nós tamén é unha labor pedagóxica de cara aos veciños e veciñas do pobo para que valoren o peixe que temos aquí e a calidade dos produtos que estamos vendendo na nosa lonxa”.
Fernández Rey contou que “estiven comentando coa técnica de Turismo que habería que mirar a maneira de poder ampliar un pouquiño máis esta iniciativa posto que acabamos o 31 de agosto e estou segurísimo que ao mellor ata o 15 de setembro poderíamos ter a mesma xente que tivemos ata agora porque foi un auténtico éxito e estamos moi contentos e orgullosos desta iniciativa”.
Rutas xeolóxicas
O concelleiro de Turismo tamén se referiu ás rutas xeolóxicas: “as rutas xeolóxicas, quitado xuño que tivemos un pouquiño de menos de xente, o resto en xullo e agosto estiveron totalmente completas”.
Para Ramiro Fernández Rey “é outra iniciativa que puxemos en marcha desde que chegamos ao goberno e da que estamos tamén especialmente orgullosos e que imos seguir potenciando e traballando nelas. Xa vemos que hai outros concellos que nos están un pouquiño imitando nestas iniciativas. Eu penso que é bo para toda a Mariña que este tipo de iniciativas vaian adiante e cantas máis mellor, todas serán benvidas”.
Máis de 1.100 persoas realizaron a Ruta da Lonxa en Burela entre o 16 de xullo e o 31 de agosto
Relacionado
-
Máis dunha vintena das principais entidades pesqueiras reúnense no porto de Burela para analizar as principais preocupacións do sector
-
A pediatra Consuelo Lobelle destaca nas Xornadas “Pesca Saúde” de Burela a importancia do peixe na alimentación infantil
-
Trabada avanza na recuperación dos vestiarios do pavillón municipal tras o incendio de xaneiro
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
