Ribadeo, 31 de agosto de 2018. A Asociación de Profesores de Automoción de Galicia fixo un balance moi positivo do VII Fórum de Innovación e Formación sobre Vehículos que hoxe rematou en Ribadeo. O presidente de APAGA, Álvaro Doural, subliñou que se incrementou nun 40% a participación e que cada vez hai máis empresas e poñentes implicados. A próxima semana continuarán as actividades deste evento en Pamplona e Madrid.
Doural manifestou que “o balance do Fórum é moi positivo porque houbo un incremento de participación importante, eu creo que sobre un 40%. Penso que o nivel de ponencias sigue sendo francamente moi bo, incorporáronse novos poñentes e novas empresas”.
O presidente de APAGA considera que “o Fórum está funcionando moi ben e que se prevé un futuro moi bo para esta actividade. Cada vez hai máis xente e máis profesionais que se incorporan, que era unha asinatura pendente. O mundo do taller e da empresa estase incorporando a esta actividade e eu creo que iso é moi importante”.
Respecto ás actividades do Fórum que se celebrarán a próxima semana fora de Ribadeo Álvaro Doural dixo que “son actividades programadas con moito tempo, pechadas e que van ter lugar en Pamplona no centro Virgen del Camino, que é socio noso desde hai moitos anos, e que xa colaborou con nosoutros nun proxecto que tiña o Ministerio no seu momento. Haberá ademais outra actividade en Madrid”.
Para o presidente de APAGA “a tendencia destas actividades vai pasar nalgúns casos por iso, por desprazar á xente ás escolas de formación das empresas cando estean dispostas a acoller nelas profesorado. Ese é outro campo que espero que no 2019 se potencie e tire para adiante. Este é un primeiro paso. Damos resposta un pouco aos socios que hai fora da comunidade autónoma. Espero que no 2019 se poida programar algunha actividade a nivel europeo, noutros países dos nosos socios. Isto cada vez se abre máis e os poñentes que veñen aportan outra xente que consideran importante e que colaboran con nós. Estamos nun momento moi bo”.
Asemblea xeral
APAGA celebrou ademais, onte, a súa asemblea xeral. O seu presidente, Álvaro Doural, manifestou que “a idea é seguir traballando na mesma liña. Estamos neste momento xa abrindo unha nova vía de colaboración con empresas, que é a implantación de metodoloxía de 5S, de organización dos postos de traballo, que está a traballar neste momento coas empresas e que se vai abrir e xeneralizar. Ademais tamén se pode comezar a desenvolver cos centros que estean interesados”.
Doural engadiu que “se van potenciar os proxectos europeos, vaise celebrar a semana da feira FP en Europa como anos anteriores e neste último trimestre do ano vaise elaborar un catálogo de cursos de fin de semana. A experiencia deste ano foi moi positiva e vanse potenciar ao máximo todo ese tipo de actividades e algunhas cousas máis que están aí”.
Rematou en Ribadeo o VII Fórum de Innovación e Formación sobre Vehículos organizado por Apaga. Houbo un incremento do 40% de participación nas actividades, segundo subliñou Álvaro Doural
Relacionado
-
Máis dunha vintena das principais entidades pesqueiras reúnense no porto de Burela para analizar as principais preocupacións do sector
-
A pediatra Consuelo Lobelle destaca nas Xornadas “Pesca Saúde” de Burela a importancia do peixe na alimentación infantil
-
Trabada avanza na recuperación dos vestiarios do pavillón municipal tras o incendio de xaneiro
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
