Mañá xoves abre o prazo para reservar prazas nas visitas que se desenvoleranse os días 7, 8, 14 e 15 de xuño
Lugo, 4 de xuño de 2025. A Vicepresidencia da Deputación de Lugo pon en marcha a I Semana do Patrimonio Invisible da provincia de Lugo, unha iniciativa que abre as portas de espazos históricos e culturais habitualmente inaccesibles ou pouco coñecidos.
A deputada de Cultura Iria Castro, acompañada pola xerente da Rede Museística Provincial Encarna Lago, a directora do Museo Provincial de Lugo Aurelia Balseiro e o responsable da coordinación das actividades César Abella, presentou esta mañá a iniciativa que ofrece á cidadanía unha oportunidade única de descubrimento de lugares fóra dos circuítos turísticos convencionais, a través de visitas guiadas engrupos reducidos.
Iria Castro explicou que “con este ciclo de visitas visibilizamos diferentes espazos fomentando o coñecemento e a valorización da diversidade patrimonial da provincia e sensibilizando sobre a importancia da protección e conservación do patrimonio”.
Respecto do desenvolvemento do programa, a responsable provincial sinalou que “desde mañá xoves estará dispoñible o sistema de reserva en liña para participar nas visitas, que se desenvolverán en grupos reducidos para garantir unha interacción próxima e a protección dos bens culturais que visitamos”
Esta primeira edición da Semana do Patrimonio Invisible desenvolverase ao longo de catro días, en sábado e domingo: 7, 8, 14 e 15 de xuño. O programa inclúe nove espazos localizacións estratéxicas, que abranguen diversas tipoloxías de patrimonio (etnográfico, industrial, relixioso…) en distintos comarcas:
• Encoro de Belesar (Chantada). Por primeira vez, unha visita aberta á cidadanía, a público non especializado a unha das maiores centrais hidroeléctricas de Galicia.
• Ferrería de Penacova (Bóveda). Un dos poucos lugares onde aínda podemos ver mazos funcionado coa forza da auga, coas explicacións dun ferreiro de tradición familiar.
• Igrexa do Hospital (O Incio). A igrexa de mármore que fascina desde fóra e que garda tesouros artísticos no seu interior.
• Antigo mosteiro de San Vicente do Pino (Monforte de Lemos). Unha visita que inclúe a igrexa e tamén ao Parador de turismo.
• Pazo de Ferreiroá (Pantón). Un pazo particular que traslada aos visitantes aos tempos de esplendor da fidalguía galega cos seus espazos e obxectos con séculos de historia.
• Seminario Conciliar de Santa Catalina (Mondoñedo). O maior edificio de Mondoñedo abre as portas para coñecer a súa historia e descubrir a súa sorprendente biblioteca.
• Mosteiro de San Salvador de Lourenzá (Lourenzá). Combinaremos a visita á igrexa con outros lugares menos coñecidos como o claustro ou a cociña do vello mosteiro.
• Mananciais de Mondoñedo. Unha oportunidade única para entrar en galerías subterráneas e acueductos que conducen a auga ao centro histórico da vila.
• Cova grande de Santalla de Lóuzara (Samos). Unha fermosa cova natural con formacións cársticas moi descoñecida para o público xeral.
Reserva desde mañá
As visitas, gratuítas e deseñadas para grupos reducidos dun máximo de 15 persoas, garanten un tratamento próximo e de calidade e unha inmersión profunda en cada localización.
A participación será a través de reserva online na plataforma da web patrimonioinvisible.gal, seguindo unha rigorosa orde de inscrición, para as máis de 400 prazas dispoñibles. O prazo para inscribirse abrirase o xoves 5 de xuño ás 12h.
En liña co programa Soterradas
A I Semana do Patrimonio Invisible da provincia de Lugo desenvolvese no marco do programa SoTERRADAS da Rede Museística Provincial de Lugo, enfocado no rescate e naa valorización de patrimonios invisibilizados, promovendo unha nova narrativa e metodoloxía na difusión do legado cultural da provincia.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
