O Vicedo 10-7-19. Contan que nunha noite de treboada apareceu nunha fonte en Xilloi unha imaxe de Santo Estevo. Para resgardala, a veciñanza subiuna nun carro tirado por uns bois que só detiveron o seu andar no lugar onde hoxe está a igrexa.
Esta é unha versión dunha lenda… Unha máis de tantas que discorren polos vales e montes do Sor, que falan das orixes das parroquias, das santas e santos ligadas a elas, … Unha máis falando do que puido ser. O roteiro do sábado 20 de xullo vai a amosar o que son: a historia dos señores que quixeron levantar uns templos para o seu beneficio, os animais pétreos que hoxe falan da súa memoria, as esceas sobre as portas (nos tímpanos), as pinturas murais que viron a luz, a decoración das capelas, as inscricións descifradas,…
Co segundo roteiro sobre Arte Sacra, Nordés quere descubrir a riqueza do patrimonio local á poboación. A primeira parada, ás 09.30 h., será na igrexa de Santo Estevo do Val, no Vicedo, reformada no século XVIII. Logo, achegarémonos a tres igrexas promovidas polo coñecido Fernán Pérez de Andrade, “o Bóo”, no s. XIV: San Paulo de Riobarba, Santa María de Cabanas e San Pantaleón de Cabanas.
Bernardo Penabade, filólogo, guiará un roteiro no que contaremos co bo saber de Clotilde Lemoine, restauradora; F. Javier Martínez, arcipreste do Ortegal; Cristóbal Rivas, párroco do Vicedo; e Manuel Salgueiro, membro do consello parroquial do Vicedo.
A actividade é de BALDE e acabará ás 14.30h. As persoas non asociadas deben abonar 3€, para aquelas asociadas a actividade é de balde.
Cara as 15.00h. haberá un xantar no Restaurante O Remo no Vicedo composto por ensaladilla, ensalada de pasta, cachena con patacas e postre. Para asistir é preciso reservar prato no 653756454 (Ricardo) ou repostando a esta mensaxe. O menú ten un custe de 15€/persoa.
Será o sábado 23 de maio, nas Letras no Campo, Feira do libro ribadense, nun acto no que estará acompañado de Suso Fernández Acevedo.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Celebrarase o venres 29 de maio ás 17:00 h e será gratuíta. Abordará o papel dos poliquetos no ecosistema mariño, as súas características e os riscos do uso de especies exóticas, con proxeccións e maquetas de varias especies empregadas como cebo. Impartiraa o grupo BIOCOST da Universidade da Coruña e está organizada por Posta de Encontro xunto con RedeMar, Xunta de Galicia, Federación Galega de Confrarías e a UDC. Reservas: WhatsApp no 634 97 08 86; 982 13 19 23; buenas@capturaspesca.com ou directamente na tenda Capturas Pesca, onde se celebrará o evento (Av. Leopoldo Calvo Sotelo 49, Ribadeo).
