Nota de prensa
ANTONIO VEIGA INAUGUROU HOXE AS XORNADAS MINDONIENSES DE ARQUEOLOXÍA, QUE FINANCIA INTEGRAMENTE A ÁREA DE CULTURA DA DEPUTACIÓN
Antonio Veiga ratificou o apoio da Área de Cultura da Deputación a estas Xornadas “que afondan no coñecemento e posta en valor dunha parte importante e elemental do noso patrimonio material como galegos, o patrimonio arqueolóxico”
MONDOÑEDO, 17 de decembro de 2010. O delegado de Cultura da Deputación de Lugo, Antonio Veiga Outeiro, inaugurou esta mañá as “X Xornadas Mindonienses de Arqueoloxía. Villaamil y Castro”, que se celebran entre hoxe e o domingo no centro de desenvolvemento comarcal de Mondoñedo. Ao acto de inauguración tamén asistiu o alcalde de Mondoñedo, Orlando González, ademais do arqueólogo do concello, Abel Vigo, quen pronunciou a primeira conferencia sobre os vestixios do castro mindoniense de Zoñán, e Manuel Valín, xerente da Fundación Comarcal da Mariña Central en representación das entidades organizadoras destas xornadas.
Como explicou Antonio Veiga, “esta décima edición está financiada integramente pola Área de Cultura da Deputación de Lugo, con 3000 euros”. Veiga ratificou o apoio desta institución a estas xornadas xa que permiten afondar “no coñecemento e posta en valor dunha parte importante e elemental do noso patrimonio material como galegos, o patrimonio arqueolóxico”. Antonio Veiga destacou que “non só escavar e conservar restos arqueolóxicos resulta importante, senón que estas accións deben vir acompañadas doutras que teñan un matiz divulgador, para achegar a arqueoloxía á xente, como estas xornadas, que permiten botar unha ollada sobre o noso pasado e historia”.
As xornadas naceron no ano 2001 co fin de dar a coñecer a calquera tipo de público afeccionado unhas nocións básicas e serias sobre arqueoloxía, da man de investigadores científicos e demais persoas formadas na materia, ao mesmo tempo que se poñía en valor o patrimonio da comarca. Pretenden, dende a súa creación e tendo un grande éxito entre o público, achegar a ciencia á sociedade, xa que ademais da investigación científica, a divulgación tamén é un aspecto fundamental desta disciplina. Para isto, como explicou Abel Vigo, “intentamos acadar un punto medio que axude aos participantes a observar un xacemento ou museo e a ver os aspectos importantes do mesmo”.
A matrícula é gratuíta e pode facerse a través do enderezo electrónico xornadas.arqueo@terra.es, ou chamando por teléfono ao concello (982 52 40 03). O programa comeza coa conferencia sobre o “Castro de Zoñán. Campañas 2009 e 2010” a cargo do propio Abel Vigo. O castro visitarase o sábado pola mañá, e pola tarde, Antonio de la Peña Santos, arqueólogo do Museo Provincial de Pontevedra, falará sobre “Gravados rupestres en Galicia. Unha aproximación”. O domingo 19 visitarase pola mañá o Castro de San Cibrán de Las (Punxín – San Amaro, Ourense), e o edificio do Museo Arqueolóxico de Ourense (Antigo Pazo Obispal), guiada por Manuel Xuto Rodríguez (axuntamos horario das xornadas).
En edicións anteriores destas xornadas tratáronse temas a nivel xeral e outros máis concretos sobre a zona como por exemplo “O Megalitismo en Galicia”, “A Idade do Bronce en Galicia”, “A Cultura Castrexa”, “A Cultura Galaico – Romana” e “Inscripcións do Mundo Paleocristiano”, participando personalidades da vida científica galega como son Fernando Acuña Castroviejo (Catedrático de Arqueoloxía da Universidade de Santiago de Compostela), José Carro Otero (Membro da Real Academia de Medicina e da Real Academia da Historia) ou Ramón Fábregas Valcarce (Catedrático de Prehistoria da Universidade de Santiago de Compostela), entre outros. Realizáronse visitas a diversos puntos de interese de Galiza, León e Asturias, tales como o Castro de Fazouro, o Castelo de Pardo de Cela no Concello de Alfoz, o Castro de Viladonga, e o Castro de Coaña (Asturias).
HORARIO
Venres 17 de decembro de 2010.
20:00 h. Conferencia.
“Castro de Zoñán. Campañas 2009 e 2010”
Dr. D. Abel Vigo García
Arqueólogo
Excmo. Concello de Mondoñedo
Sábado 18 de decembro de 2010.
10:00 h. Saída de Mondoñedo.
Castro de Zoñán (Mondoñedo, Lugo)
Dr. D. Abel Vigo García
Arqueólogo Director dos traballos
20:00h. Conferencia.
“Gravados rupestres en Galicia. Unha aproximación”
D. Antonio de la Peña Santos
Arqueólogo do Museo Provincial de Pontevedra.
Domingo 19 de decembro de 2010.
07:45 h. Saída de Mondoñedo
11:00 h. Visita.
Castro de San Cibrán de Las
(Punxín – San Amaro, Ourense)
13:30 h. Visita
Edificio do Museo Arqueolóxico de Ourense (Antigo Pazo Obispal)
Dr. D. Manuel Xuto Rodríguez
(Museo Arqueolóxico de Ourense)
Clausura e entrega de diplomas.
Será o sábado 23 de maio, nas Letras no Campo, Feira do libro ribadense, nun acto no que estará acompañado de Suso Fernández Acevedo.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Celebrarase o venres 29 de maio ás 17:00 h e será gratuíta. Abordará o papel dos poliquetos no ecosistema mariño, as súas características e os riscos do uso de especies exóticas, con proxeccións e maquetas de varias especies empregadas como cebo. Impartiraa o grupo BIOCOST da Universidade da Coruña e está organizada por Posta de Encontro xunto con RedeMar, Xunta de Galicia, Federación Galega de Confrarías e a UDC. Reservas: WhatsApp no 634 97 08 86; 982 13 19 23; buenas@capturaspesca.com ou directamente na tenda Capturas Pesca, onde se celebrará o evento (Av. Leopoldo Calvo Sotelo 49, Ribadeo).
